सुधा मूर्ती

विकिपीडिया, मुक्‍त ज्ञानकोशातून
Jump to navigation Jump to search


सुधा कुळकर्णी-मूर्ती
सुधा कुळकर्णी-मूर्ती
जन्म सुधा कुळकर्णी-मूर्ती
१९ ऑगस्ट, इ.स. १९५०
शिगगाव, कर्नाटक.
इतर नावे सुधा मूर्ती
राष्ट्रीयत्व भारतीय
कार्यक्षेत्र सामाजिक कार्य, अभियंत्रिकी, लेखिका.
भाषा मराठी, कन्नड
पुरस्कार पद्मश्री पुरस्कार (इ.स. २००६)
वडील डॉ. रामचंद्र कुळकर्णी
आई विमल कुळकर्णी
पती एन.आर. नारायण मूर्ती
अपत्ये रोहन (मुलगा), अक्षता (मुलगी).

सुधा कुळकर्णी-मूर्ती (१९ ऑगस्ट, इ.स. १९५० ; शिगगाव, कर्नाटक - हयात) या एक भारतीय सामाजिक कार्यकर्त्या व लेखिका आहेत. ग्रामीण भागातील विकासासाठी त्या कार्यरत आहेत. [१]इन्फोसिसचे संस्थापक एन.आर. नारायणमूर्ती ह्यांच्या त्या पत्‍नी आहेत.[२]

कौटुंबिक माहिती[संपादन]

प्रसिद्ध संगणक क्षेत्रातील व्यावसायिक आणि इन्फोसिस या प्रसिद्ध संस्थेचे सह संस्थापक एन.आर.नारायणमूर्ती हे त्यांचे पती आहेत. त्या कॅलटेक (अमेरिका) ह्या प्रसिद्ध कंपनीतील शास्त्रज्ञ श्रीनिवास कुळकर्णी यांच्या, तसेच जयश्री कुळकर्णी-देशपांडे (प्रसिद्ध अमेरिकन व्यावसायिक गुरुराज देशपांडे यांच्या पत्‍नी) ह्यांच्या भगिनी आहेत. सुधा मूर्ती यांनी नऊहून अधिक कादंबर्‍या लिहिल्या आहेत. त्यांच्या नावावर अनेक कथासंग्रह आहेत.

शैक्षणिक अर्हता[संपादन]

  • बी.वी. बी. कॉलेज ऑफ इंजिनीअरिंग येथून बी. ई इलेक्ट्रिकल पदवी प्राप्त. या पदवीसाठी सुवर्णपदक प्राप्त.
  • इंडियन इन्स्टिट्यूट ऑफ सायन्स येथून एम. ई. (संगणक शास्त्र) [३]

कामाचा अनुभव[संपादन]

टेल्को या कंपनीत निवड झालेल्या त्या पहिल्या महिला अभियंत्या होत्या.[४]पुणे, मुंबई आणि जमशेदपूर येथे त्यांनी काम केले आहे.[१] ख्राईस्ट कॉलेज येथे त्यांनी प्राध्यापिका म्हणून काम केले आहे. बंगलोर विद्यापीठात त्या अभ्यागत प्राध्यापिका म्हणून काम करतात. इन्फोसिस या संस्थेच्या कार्यात त्यांचा विशेष सहभाग आहे. या संस्थेच्या विश्वस्त म्हणून त्या कार्यरत आहेत.

सामाजिक योगदान[संपादन]

इन्फोसिस फौंडेशन या एक सामाजिक कार्य करणार्‍या संस्थेच्या निर्मितीमध्ये त्यांचा सक्रिय सहभाग होता. त्या या संस्थेच्या सह-संस्थापिका आहेत. [५] इन्फोसिस फौंडेशन च्या अमध्यमातून मूर्ती यांनी समाजाच्या विविध क्षेत्रात विकासकामांना प्रोत्साहन दिले आहे. कर्नाटक सरकारच्या सर्व शाळात त्यांनी संगणक आणि ग्रंथालय उपलब्ध करून दिले आहे. मूर्ती क्लासिकल लायब्ररी ऑफ इंडिया या नावाचे ग्रंथालय त्यांनी हार्वर्ड विद्यापीठात सुरु केलेले आहे.[६] [७] कर्नाटकातील ग्रामीण भागात आणि बंगळुरू शहर व परिसरात त्यांनी सुमारे १०,००० शौचालये संस्थेच्या माध्यमातून बांधलेली आहेत तमिळनाडू आणि अंदमान येथे सुनामीच्या काळात त्यांनी विशेष सेवाकार्य केले आहे. महाराष्ट्रातील दुष्काळी भागातील लोकांनाही संस्थेने मदत दिलेली आहे.[८]

प्रकाशित साहित्य[संपादन]

  • अस्तित्व
  • आजीच्या पोतडीतील गोष्टी [९]
  • आयुष्याचे धडे गिरवताना
  • द ओल्ड मॅन अ‍ॅन्ड हिज गॉड (इंग्रजी)
  • बकुळ (मराठी) [१०]
  • गोष्टी माणसांच्ता
  • जेन्टली फॉल्स द बकुला (इंग्रजी) [११]
  • डॉलर बहू (इंग्रजी), (मराठी)
  • तीन हजार टाके (मूळ इंग्रजी, ’थ्री थाउजंड स्टिचेस’; मराठी अनुवाद लीना सोहोनी)
  • थैलीभर गोष्टी
  • परिधी (कानडी) [1]
  • परीघ (मराठी)
  • पितृऋण
  • पुण्यभूमी भारत
  • द मॅजिक ड्रम अ‍ॅन्ड द अदर फेव्हरिट स्टोरीज (इंग्रजी)
  • महाश्वेता (कानडी व इंग्रजी)
  • वाइज अ‍ॅन्ड अदरवाइज (इंग्रजी), (मराठी) [१२]
  • सामान्यांतले असामान्य
  • सुकेशिनी
  • हाउ आय टॉट माय ग्रँडमदर टु रीड अ‍ॅन्ड अदर स्टोरीज (इंग्रजी)

पुरस्कार आणि सन्मान[संपादन]

  • इ.स.१९९५ साली उत्तम शिक्षक पुरस्कार (बेस्ट टीचर अवोर्ड )
  • इ.स.२००१ साली ओजस्विनी पुरस्कार
  • इ.स. २००६ - भारत सरकारने पद्मश्री पुरस्कार देऊन गौरवले.
  • इ.स. २००६ साहित्य क्षेत्रातील योगदानासाठी आर. के. नारायण पुरस्कार
  • श्री राणी-लक्ष्मी फाऊंडेशनकडून १९ नोव्हेंबर, इ.स. २००४ रोजी राजलक्ष्मी पुरस्कार. [१३]
  • इ.स. २०१० - एम.आय.टी.कॉलेजकडून भारत अस्मिता राष्ट्रीय पुरस्कार.
  • सामाजिक कामासाठी राष्ट्रीय स्तरावरील सन्मान
  • सत्यभामा विद्यापीठातर्फे सन्माननीय डॉक्टरेट पदवी.

संदर्भ[संपादन]

  1. a b "Sudha Murthy | Sudha Murthy Biography | Sudha Murthy Awards". Karnataka.com (en-US मजकूर). 2016-12-01. 2018-07-05 रोजी पाहिले. 
  2. ^ eBiography. "सुधा मूर्ति जीवनी - Biography of Sudha Murthy". http://jivani.org (en मजकूर). 2018-07-05 रोजी पाहिले. 
  3. ^ "Sudha Murthy | Sudha Murthy Biography | Sudha Murthy Awards". Karnataka.com (en-US मजकूर). 2016-12-01. 2018-07-05 रोजी पाहिले. 
  4. ^ नेगी दिव्या. "Brilliant, Brave & Badass, Sudha Murthy Is The Kind Of Role Model We Women Need Today(इंग्रजी मजकूर) (१९.८. २०१७)". 
  5. ^ "Infosys Co-Founder Sudha Murthy Biography in Hindi । सुधा मूर्ति की जीवनी". www.spotyourstory.com (en-US मजकूर). 2018-07-05 रोजी पाहिले. 
  6. ^ Rhodes, Charles Kenneth, (5 May 1889–6 Jan. 1941), Joint Secretary, Home Department, Government of India. Who Was Who. Oxford University Press. 2007-12-01. 
  7. ^ Chaturvedi, Vishnu; Chaturvedi, Sudha (2011-11). "Cryptococcus gattii: a resurgent fungal pathogen". Trends in Microbiology 19 (11): 564–571. ISSN 0966-842X. डी.ओ.आय.:10.1016/j.tim.2011.07.010. 
  8. ^ "Sudha Murthy | CSR Vision". www.csrvision.in (en-US मजकूर). 2018-07-06 रोजी पाहिले. 
  9. ^ Murty, Sudha (2015-02-06). Grandma's Bag of Stories (en मजकूर). Penguin UK. आय.एस.बी.एन. 9788184756036. 
  10. ^ Murty, Sudha (2008-02-14). Gently Falls the Bakula (en मजकूर). Penguin UK. आय.एस.बी.एन. 9789351183396. 
  11. ^ Murty, Sudha (2008-02-14). Gently Falls the Bakula (en मजकूर). Penguin UK. आय.एस.बी.एन. 9789351183396. 
  12. ^ Murthy, Sudha (2006-07-18). Wise & Otherwise (en मजकूर). Penguin Random House India Private Limited. आय.एस.बी.एन. 9788184759006. 
  13. ^ [१]


बाह्य दुवे[संपादन]

साचा:Commmonscat


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.