दीक्षाभूमी

दीक्षाभूमी
सर्वसाधारण माहिती
प्रकार	धार्मिक व ऐतिहासिक स्मारक
ठिकाण	नागपुर, महाराष्ट्र, भारत
बांधकाम सुरुवात	जुलै १९७८
पूर्ण	१८ डिसेंबर २००१
ऊंची
वास्तुशास्त्रीय	स्तूप
बांधकाम
वास्तुविशारद	शे डान मल, शशी शर्मा

दीक्षाभूमी हे भारतातील बौद्ध धर्मीयांचे तसेच आंबेडकरवादी लोकांचे महत्त्वाचे केंद्र आहे. हे पवित्र ठिकाण महाराष्ट्राची उपराजधानी असलेल्या नागपुर शहरात आहे. डॉ. बाबासाहेब आंबेडकर यांनी येथे लाखों अनुयायांसह बौद्ध धम्माची दीक्षा घेतल्यामुळे या भूमीला ‘दीक्षाभूमी’ म्हणून ओळखले जाते. दरवर्षी येथे जगभरातून आणि भारतभरातून लाखोंच्या बौद्ध अनुयायी येथे डॉ. बाबासाहेब आंबेडकर आणि तथागत बुद्ध यांना वंदन करण्यासाठी येतात.

दीक्षाभूमीचा आकार हा एका भव्य स्तूपाप्रमाणे आहे, म्हणून याला धम्मचक्र स्तूप असेही म्हटले जाते. दिक्षाभूमी हे संपूर्ण महाराष्ट्रात बौद्ध धर्मींयांचे एक अतिशय महत्वाचे ठिकाण म्हणजे धम्मचक्र स्तूप, यालाच दीक्षा भूमी म्हणून सुद्धा ओळखल्या जाते.

इतिहास

डॉ. बाबासाहेब आंबेडकरांनी दीक्षाभूमीवर दिलेल्या २२ प्रतिज्ञा

सम्राट अशोकांनी इसवी सन पूर्व तिसऱ्या कलिंग युद्धानंतर बौद्ध धम्माची दीक्षा घेतली होती. आणि बौद्ध इतिहासात हा दिवस अशोक विजयादशमी म्हणून साजरा केला जातो.

विसाव्या शतकात १४ आक्टोबर १९५६ रोजी अशोक विजयादशमीच्या दिवशी बोधिसत्व डॉ. बाबासाहेब आंबेडकर यांनी आपल्या ५,००,०००० अनुयायांसह बौद्ध धम्माची दीक्षा घेतली होती. दुसऱ्या दिवशी सुद्धा बाबासाहेबांनी ३,००,००० लोकांना धम्म दीक्षा दिली होती. एकाच दिवशी आणि तेही शांततामय मार्गांनी घडून आलेले जगाच्या इतिहासातील हे सर्वात मोठे धर्मांतर होय. हे बौद्ध धर्मींयांचे व आंबेडकरवाद्यांचे आदराचे स्थान असून या पवित्र स्थळाचे दर्शन घेण्यासाठी देशातील तसेच परदेशातील मुख्यत्वे जपान, थायलंड आणि श्रीलंका येथील लाखों अनुयायी दरवर्षी भेट देतात.

रचना

दीक्षाभूमी हा एक मोठा स्तूप आहे. दीक्षाभूमीचा विस्तार मोठा आहे, कलेचा एक उत्तम नमुना आपल्याला इथे पाहायला मिळतो. दीक्षाभूमीच्या बांधकामासाठी ५००० लोकांनी अहोरात्र परिश्रम घेतले आहे. दीक्षाभूमीच्या बांधकामासाठी धौलपूर इथून आणलेल्या मार्बल आणि ग्रेनाइटचा वापर केलेला आहे. दीक्षाभूमीचा डोम हा १२० फूट उंचीचा आहे.

सण

धम्मचक्र प्रवर्तन दिन - मोठ्या संख्येने होणारी धम्म परिवर्तने

दीक्षाभूमी येथे दरवर्षी १४ आक्टोबर हा दिवस भारतीय बौद्ध अनुयायी धम्मचक्र प्रवर्तन दिन म्हणून उत्साहाने साजरा करतात. या येथे १५ ते २० लाख बौद्ध एकत्र जमा होतात आणि बाबासाहेब आनि बुद्धांना अभिवादन करतात. भारतातील विषेशत महाराष्ट्रातील मुख्य राजकिय न्ते सणात सहभागी होतात, तसेच जर्मनी, थायलंड, जापान, म्यानमार, श्रीलंका इत्यादी देशातील बौद्ध उपासक, भिक्खु सहभागी होतात.

चित्र दालन

• 
  Inner side of Deeksha Bhoomi – Bodhisattva Dr. Babasaheb ambedkar's ashes urn after cremation in front of lord Buddha
• 
  Inner side of Deeksha Bhoomi - Bodhisattva Dr. Babasaheb ambedkar's ashes urn after cremation in front of lord Buddha
• 
  Lord Buddha's statue in Deeksha Bhoomi, Nagpur, Maharashtra
• 
  Bodisattva Dr. Babasaheb Ambedkar's statue in Deeksha Bhoomi, Nagpur
• 
  Sculpture of Bodhisattva Dr. Babasaheb Ambedkar presenting the Constitution of India to Dr. Rajendra Prasad
• 
  Maha Bodhi Tree (Knowledge Tree) in Deeksha Bhoomi, Nagpur, Maharashtra
• 
  22 Vows (in Marathi) administered by Most Revered Bodhisattva Dr. Babasaheb Ambedkar on the occasion of Buddhist Dhamma Deeksha on 14 October 1956 at Deeksha Bhoomi, Nagpur
• 
  Lord Buddha's statue in Deeksha Bhoomi, Nagpur
• 
  Buddhist Vihar Bhikkhus Nivas in Deeksha Bhoomi, Nagpur
• 
  दीक्षाभूमी मधील बोधीवृक्ष
• 
  दीक्षाभूमी मधील बुद्ध मुर्ती
• 
  दीक्षाभूमी मधील बौद्ध विहार
• 
• 
• 
• 
• 

हे सुद्धा पहा

• चैत्यभूमी
• धम्मचक्र प्रवर्तन दिन
• नवयान बौद्ध धर्म
• महाराष्ट्रात बौद्ध धर्म

बाह्य दुवे

विकिमीडिया कॉमन्सवर

दीक्षाभूमी

संबंधित संचिका आहेत