मराठी विकिपीडिया

विकिपीडिया, मुक्‍त ज्ञानकोशातून
मराठी विकिपीडिया
Wikipedia-logo-v2-mr.png
मराठी विकिपीडियाचे संस्थाचिन्ह
स्क्रीनशॉट
Mr wp 20100828.png
ब्रीदवाक्य मुक्त ज्ञानकोश
प्रकार ऑनलाईन ज्ञानकोश प्रकल्प
उपलब्ध भाषा मराठी
मालक विकिमीडिया फाउंडेशन
निर्मिती जिमी वेल्स, लॅरी सॅंगर
दुवा http://mr.wikipedia.org/
व्यावसायिक? चॅरिटेबल
नोंदणीकरण वैकल्पिक
अनावरण मे १, इ.स. २००३
आशय परवाना क्रिएटिव्ह कॉमन्स ॲट्रिब्यूशन शेअर-अलाइक ३.०

मराठी विकिपीडिया हा विकिपीडिया या मुक्त ऑनलाईन ज्ञानकोश प्रकल्पातील मराठी भाषेतला ज्ञानकोश आहे. मे १, इ.स. २००३ रोजी मराठी विकिपीडियाची सुरुवात झाली.

मराठी विकीपीडियावर सध्या ८९,६८७ लेख आहेत. "शिवाजी महाराज" व "बाबासाहेब आंबेडकर" हे मराठी विकिपीडियावरील सर्वाधिक वाचले जाणारे लेख आहेत. "औदुंबर (कविता)" आणि "वसंत पंचमी" हे मराठी विकिपीडियावर लिहिले गेलेले अनुक्रमे पहिले व दुसरे लेख आहेत.

प्रगती

मराठी विकिपीडियाची प्रगती खालीलप्रमाणे झालेली आहे.

  • १ मे २००३ मध्ये सुरुवात
  • डिसेंबर २०१७ मध्ये ५०,००० लेख पूर्ण
  • २१ ऑगस्ट २०२० रोजी ६०,००० लेख पूर्ण
  • २४ डिसेंबर २०२० रोजी ६६,६६६ लेख पूर्ण
  • ३० जुलै २०२१ रोजी ७७,७७७ लेख पूर्ण
  • २३ सप्टेंबर २०२१ रोजी ८०,००० लेख पूर्ण
  • १८ जानेवारी २०२२ रोजी २०,००,०००वा बदल केला गेला.

सदस्य आणि संपादक

आज, दिनांक २८ जानेवारी २०२३, शनिवार रोजी
मराठी विकिपीडियाची सांख्यिकी - सद्यस्थिती
एकूण सदस्यखाते एकूण लेख एकूण संचिका/चित्रे प्रचालक
१,५०,२८५ ८९,६८७ १९,१४१ १०

टीका

'दैनिक प्रहार;चे पत्रकार अभिजित ताम्हणे यांनी १३ नोव्हेंबर २०११ च्या वार्तापत्रात "विकितंत्राच्या जमान्यात इगोपीडित मराठी!" या नावाने लेख लिहून आली ; मराठी विकिपीडिया आणि त्यातील नियमित सदस्यांची आत्ममग्नता, आपापसात सलगीकरून अनामिक अंकपत्त्यावरून संपादने करणाऱ्या व्यक्तींना परकेपणाची जाणीव होईल अशी वागणूक असते, 'ज्यांची चर्चा व्हायलाच हवी असे वाद एखाद्या तिऱ्हाइतानं उपस्थित केले, तर त्याच्याशीच तुटकपणा दाखवला जातो' अशी सडेतोड टीका केली आहे. [१]

तथ्यशोधाचा मार्गच नाकारणे, फक्त भाषांतरित माहिती देणे, ही जी टोके इंटरनेटच्या प्रसाराआधीच (ऑफलाईन मराठीत) गाठली गेली होती, तीच ‘ऑनलाईन मराठी’ने गाठली. याचे कारण, इंटरनेटवरल्या लेखकांचा ‘नवा वर्ग’ तयार झाला. एका जातीच्या पोटशाखांचे लोकच, कंपू जमवून ‘हेच खरं’ म्हणणाऱ्यांची भारतीय पारंपरिक समाजरचनेतली मुळे सारख्याच जातीची आहेत, असे विकिपीडियातही दिसते.[१]

येथील स्वतःस मोठे म्हणून मिरवणाऱ्या सदस्यांना स्वतःची संपादन संख्या अधिक दाखवणे आणि दुसऱ्यांची संपादन संख्या कमी दाखवणे याचा मोठा मोह आहे. वतनदारी वाटावी तसे ‘अमुक इतकी संपादने पूर्ण केल्याबद्दल हा स्टार’ अशी गौरव-चिन्हे एकेका विकिपीडिया-सदस्याच्या सदस्यपानावर दिसतात. पण हे संपादनकार्य घाईगर्दीत केले जाते.[१]संपादन संख्येत रांगेने पुढे जाणाऱ्यांचे लोकांचे, पूर्ण संशोधन करून संदर्भासहित लेख लिहिण्याचे प्रमाण नगण्यच आहे.

हे सुद्धा पहा

संदर्भ

  1. ^ a b c विकितंत्राच्या जमान्यात इगोपीडित मराठी! Archived 2011-11-16 at the Wayback Machine., ह्या लेखाची दिलेल्या दुव्यावरील इंटरनेट आवृत्ती दिनांक ४ मे २०१२ , १ वाजून २२ मिनिटांनी पडताळली वरील दुव्याची वेबॅक मशिनवरील आवृत्ती नोव्हेंबर १६, २०११ (वरील दुव्यात त्रुटी जाणवल्याने वेबॅक मशिन वापरुन ही आवृत्ती मिळवलेली आहे.)

बाह्य दुवे