निखत झरीन

विकिपीडिया, मुक्‍त ज्ञानकोशातून
Jump to navigation Jump to search
निखत झरीन
वैयक्तिक माहिती
पूर्ण नाव निखत झरीन
राष्ट्रीयत्व भारतीय
निवासस्थान भारत
जन्मदिनांक ४ जून, १९९६ (1996-06-04) (वय: २५)
जन्मस्थान निझामाबाद, तेलंगण, भारत
उंची सेमी
वजन ५१ किग्रॅ(११२ पौंड)
खेळ
देश भारत
खेळ मुष्टियुद्ध
खेळांतर्गत प्रकार वजन वर्ग फ्लायवेट


निखत झरीन (जन्म:१४ जून १९९६,निजामाबाद) ही भारतीय हौशी महिला मुष्टीयोद्धा आहे. २०११ मध्ये अंटाल्या येथे एआयबीए महिला युवा आणि कनिष्ठ जागतिक स्पर्धेत तिने सुवर्णपदक जिंकले. [१] २०१९ मध्ये, बँकॉकमध्ये आयोजित झालेल्या थायलंड ओपन आंतरराष्ट्रीय बॉक्सिंग स्पर्धेत झरीनने रौप्यपदक जिंकले. [२]२०१६ मध्ये आसाममध्ये झालेल्या १६ व्या वरिष्ठ महिला राष्ट्रीय बॉक्सिंग चँपियनशिपमध्ये तिने सुवर्णपदक जिंकले होते. [३]सन २०२० मध्ये, झरीन यांना क्रीडामंत्री व्ही. श्रीनिवास गौड तसेच तेलंगाना राज्य क्रीडा प्राधिकरणाने (एसएटीएस) इलेक्ट्रिक स्कूटर तसेच १० हजार रुपये रोख पुरस्कार प्रदान केले. [४]

वैयक्तिक जीवन आणि पार्श्वभूमी[संपादन]

झरीनचा जन्म १४ जून १९९६ रोजी तेलंगणातील निजामाबाद येथे मो. जमील अहमद आणि परवीन सुल्ताना यांच्या घरी झाला.[५]तिने फक्त १३ वर्षांची असताना बॉक्सिंगला सुरुवात केली. तिच्या प्रवासाला तिच्या वडिलांनी साथ दिली. २०१५ मध्ये, जेव्हा ती हैदराबाद, तेलंगणाच्या एव्ही कॉलेजमध्ये बॅचलर ऑफ आर्ट्स (बी.ए.) च्या पदवीसाठी शिकत होती, तेव्हा तिने जालंधर येथील अखिल भारतीय आंतर-विद्यापीठ बॉक्सिंग स्पर्धेत ‘सर्वोत्कृष्ट बॉक्सर’ पुरस्कार जिंकला. [६] झरीनने अनेकदा बॉक्सर मेरी कोमविषयी तिची क्रीडा क्षेत्रातील आदर्श म्हणून सांगितले आहे. [७]

२००९ मध्ये द्रोणाचार्य पुरस्कारप्राप्त चतुर्थ राव यांच्या मार्गदर्शनाखाली प्रशिक्षित करण्यासाठी निखतला विशाखापट्टणममध्ये भारतीय क्रीडा प्राधिकरणामध्ये दाखल करण्यात आले होते. त्यानंतर एका वर्षानंतर २०१० मध्ये तिला इरोड नॅशनलमध्ये 'सुवर्ण सर्वोत्कृष्ट बॉक्सर' म्हणून घोषित केले गेले होते.[८]

कारकीर्द[संपादन]

झरीनने २०१० मध्ये राष्ट्रीय उप-कनिष्ठांच्या स्पर्धेत पहिले सुवर्णपदक जिंकले. त्यानंतर २०११ मध्ये तुर्कीमधील महिला ज्युनियर आणि युथ वर्ल्ड बॉक्सिंग चॅम्पियनशिपमध्ये तिने फ्लायवेट विभागात पहिले आंतरराष्ट्रीय सुवर्णपदक जिंकले. झरीनची लढत तुर्कीची बॉक्सर उलकू डेमिरविरुद्ध होती आणि तीन फेऱ्यांनंतर २७:१६ ने लढत जिंकली.[९]

तिला या पराक्रमाची पुनरावृत्ती करता आली नाही आणि २०१३ मधील बल्गेरियातील महिला ज्युनियर आणि युथ वर्ल्ड बॉक्सिंग स्पर्धेत तिला रौप्यपदकावर समाधान मानावे लागले. [८]पुढच्या वर्षी तिने सर्बियाच्या नोवी सॅड येथे आयोजित तिसर्‍या नेशन्स कप आंतरराष्ट्रीय बॉक्सिंग स्पर्धेत सुवर्णपदक जिंकले. झरीनने ५११ किलो वजन गटात रशियाच्या पल्टेसेवा एकटेरीनाचा पराभव केला. [१०]

२०१५ मध्ये झरीनने आसाममधील १६६ व्या वरिष्ठ महिला राष्ट्रीय बॉक्सिंग स्पर्धेत सुवर्णपदक जिंकले. २०१९ मध्ये, काही वर्षांच्या अंतरानंतर तिने आणखी एक आंतरराष्ट्रीय पदक जिंकले आणि बँकॉकमध्ये झालेल्या थायलंड ओपन आंतरराष्ट्रीय बॉक्सिंग स्पर्धेत रौप्यपदक जिंकले.

बल्गेरियातील सोफिया येथे आयोजित २०१९ स्ट्रँडजा मेमोरियल बॉक्सिंग स्पर्धेत झरीनने ५१ किलो वजनी गटात फिलिपिनो आयरिश मॅग्नोला हरवून सुवर्णपदक मिळवले. [११] त्याच वर्षी झरीनने कनिष्ठ नागरिकांमध्ये सुवर्णपदक जिंकले आणि त्यांना ‘सर्वोत्कृष्ट बॉक्सर’ घोषित केले. वयोगटातील चाचण्या संपविल्या गेल्यानंतर मेरी कोमला टोकियो ऑलिम्पिकमध्ये संधी दिली तेव्हा तिने वर्ल्ड चॅम्पियन मेरी कोमबरोबर लढतीची विचारणा केली तेव्हा खळबळ उडाली. पण झरीनने ती बाजी मारली.

झरीनला वेलस्पन समूहाचे समर्थन आहे आणि भारतीय क्रीडा प्राधिकरणाच्या लक्ष्य ऑलिम्पिक पोडियम योजनेत तिचा समावेश आहे. [१२] तेलंगणातील निजामाबाद या मूळ गावी तिला अधिकृत दूत म्हणून नियुक्त केले गेले. [१३]


संदर्भ आणि नोंदी[संपादन]

  1. ^ "Women's Boxing World Championships: India's Mary Kom Enters Final, Lovlina Borgohain Takes Home The Bronze Medal | Boxing News". NDTVSports.com (इंग्रजी भाषेत). 2021-03-13 रोजी पाहिले.
  2. ^ "This silver medal at Thailand Open is a huge confidence boost for me ahead of the World Championships: Nikhat Zareen - Times of India". The Times of India (इंग्रजी भाषेत). 2021-03-13 रोजी पाहिले.
  3. ^ "Indtoday News | Hyderabad Local News | Telangana" (इंग्रजी भाषेत). 2013-08-23. 2021-03-13 रोजी पाहिले.
  4. ^ Sep 29, TNN / Updated:; 2020; Ist, 17:59. "Athletes Deepthi, Maheswari, Nandini and boxer Nikhat presented scooters | More sports News - Times of India". The Times of India (इंग्रजी भाषेत). 2021-03-13 रोजी पाहिले.CS1 maint: extra punctuation (link) CS1 maint: numeric names: authors list (link)
  5. ^ "Indian Boxing Federation Boxer Details". www.indiaboxing.in. 2021-03-13 रोजी पाहिले.
  6. ^ "The Hindu" (इंग्रजी भाषेत). Special Correspondent. Hyderabad:. 2015-02-26. ISSN 0971-751X.CS1 maint: extra punctuation (link) CS1 maint: others (link)
  7. ^ Sportstar, Team. "Women who inspire us: Nikhat Zareen". Sportstar (इंग्रजी भाषेत). 2021-03-13 रोजी पाहिले.
  8. ^ a b "India's Nikhat Zareen wins silver at Youth World Boxing | Firstpost". web.archive.org. 2013-09-29. 2021-03-13 रोजी पाहिले.
  9. ^ Apr 30, PTI / Updated:; 2011; Ist, 21:28. "4 Indians win gold in AIBA Women's Youth & Junior World Championship | Boxing News - Times of India". The Times of India (इंग्रजी भाषेत). 2021-03-13 रोजी पाहिले.CS1 maint: extra punctuation (link) CS1 maint: numeric names: authors list (link)
  10. ^ "Nikhat Zareen won gold medal at the third Nations Cup International Boxing Tournament". Jagranjosh.com. 2014-01-13. 2021-03-13 रोजी पाहिले.
  11. ^ "Strandja Memorial Boxing Tournament 2019: Nikhat Zareen, Meena Kumari Devi strike gold; Manju Rani settles for silver - Sports News , Firstpost". Firstpost. 2019-02-19. 2021-03-13 रोजी पाहिले.
  12. ^ "I've decided to look ahead: Boxer Nikhat Zareen starts fresh for upcoming Asian Games, CWG". The New Indian Express. 2021-03-13 रोजी पाहिले.
  13. ^ "The Hindu" (इंग्रजी भाषेत). Special Correspondent. Nizamabad:. 2014-12-13. ISSN 0971-751X.CS1 maint: extra punctuation (link) CS1 maint: others (link)