गजलांकित प्रतिष्ठान

विकिपीडिया, मुक्‍त ज्ञानकोशातून
Jump to navigation Jump to search

गजलांकित प्रतिष्ठान ही महाराष्ट्रातील गझल मुशायरे, गझलगायन मैफिली अशा कार्यक्रमांचे व गझलविषयक उपक्रमांचे आयोजित करणारी संस्था आहे. ही संस्था १४ जून २०१३ रोजी जनार्दन केशव म्हात्रे यांनी स्थापन केली.

गझल मुशायरे[संपादन]

या संस्थेने ठाणे येथे १४ मार्च २०१४ रोजी सुरेश भट यांच्या स्मृतिदिनानिमित्त पहिला गझल मुशायरा ठाणे येथे आयोजित केला. त्यानंतर ठाण्यासह मुंबई, वाशी, सोलापूर, नवी मुंबई, कोल्हापूर, नाशिक अशा राज्यभरांतील विविध ठिकाणी मुशायरे झाले.

गझल गायन मैफिली[संपादन]

कोणत्याही काव्य, गीत, गझल या विषयांमध्ये गायन कलेला वेगळे महत्त्व आहे. गेय साहित्य रसिकांपर्यंत पोहचण्यासाठी गायन क्षेत्राचे योगदान नेहमीच महत्त्वाचे राहिले आहे. गजलांकित प्रतिष्ठान ही संस्था गझल मुशायऱ्यांच्या सोबतीने गझल गायन मैफिलींचे देखील आयोजन करीत असते.

गजलांकित प्रतिष्ठानच्या गझल गायन मैफिली[संपादन]

[माहितीज्ञान पोकळी]

  • आदित्य फडके
  • मंदार पारखी व अर्चना गोरे
  • प्रवरा लिमये
  • रसिका जानोरकर व मयूर महाजन
  • दत्तप्रसाद रानडे
  • प्रशांत काळुंद्रेकर व अनघा पेंडसे
  • गाथा जाधव आणि गंधार जाधव

गझल पुरस्कार[संपादन]

गजलांकित प्रतिष्ठान ही संस्था दरवर्षी, गझल क्षेत्रात महत्त्वाचे योगदान देणाऱ्या व्यक्तींना पुरस्कार देऊन त्यांचा सन्मान करते.

गजलांकित पुरस्कारांबद्दल माहिती[संपादन]

गजलांकित गजलरत्‍न पुरस्कार[संपादन]

या पुरस्कारासाठी उत्तम कविता, उत्तम गझल लेखनासोबतच दीर्घकाळ मराठी कविता व गझलेला आपले भरीव योगदान देणाऱ्या ज्येष्ठ गझलकार व्यक्तीला गजलरत्‍न हा पुरस्कार देण्यात येतो.

गजलांकित गजलसृजन पुरस्कार[संपादन]

उत्तम कविता, उत्तम गझल लेखनासोबतच कविता व गझल या दोन्ही क्षेत्रात विशेष कामगिरी करण्याऱ्या कवी, गझलकारांना "गजलसृजन" हा पुरस्कार दिला जातो.

गजलांकित गजलांकुर पुरस्कार[संपादन]

सातत्याने सकस आणि दर्जेदार कविता व गझल लिहिणाऱ्या नव्या दमाच्या कवी, गझलकारांसाठी प्रोत्साहन ठरू शकेल, असा "गजलांकुर" हा पुरस्कार आहे..

गजलांकित गजलगुंजन पुरस्कार[संपादन]

गझल सादरीकरणातील "तरन्नुम" हा प्रकार तसा फार कमी अनुभवायला मिळतो. उर्दू गझलमध्ये हा प्रकार बरेचदा ऐकायला मिळतो. गझलकाराने आपलीच रचना सुरेल पद्धतीने संगीतवाद्याच्या साथीशिवाय सादर करणे, याला तरन्नुम म्हणतात.. तरन्नुममधून गझलकाराला किती छान गाता येते आहे, यापेक्षा त्या छान गायनातून भाव किती चपखल पोहचतो आहे, हेच अधिक महत्त्वाचे असते. तरन्नुम सादर करण्यासाठी गझलकाराला संगीताचे जुजबी का होईना ज्ञान असणे गरजेचे आहे. यासोबतच सुरांची योग्य ओळख, जाण असण्यासोबत गळ्यात सूर असणे नितांत गरजेचे आहे. यात तो किंवा ती गझलकार गायनकलेत निपुण असेल तर दुधात साखरच... गझलसादरीकरणाचा हा सुरेल प्रकार "योग्य रीतीने" रुजला पाहिजे, याच्याच प्रयत्‍नाचा एक भाग म्हणून उत्तम कविता, उत्तम गझल लेखनासोबतच तरन्नूममध्ये उत्तम रीत्या गझल सादर करणारी एक स्त्रीगझलकार व एक पुरूष गझलकार निवडून अशा गझलकरांना "गजलगुंजन" हा पुरस्कार दिला जातो.

गजलांकित गजलउत्कर्ष पुरस्कार[संपादन]

सकस आणि दर्जेदार कविता व गझल लिहिण्यासोबत गझल क्षेत्रातील उल्लेखनीय योगदानाबद्दल गजलउत्कर्ष हा पुरस्कार दिला जातो.

गजलांकित पुरस्कार विजेते[संपादन]
  • दिलीप पांढरपट्टे : गजलरत्‍न २०१५
  • सदानंद डबीर : गजलरत्‍न २०१६
  • संगीता जोशी : गजलरत्‍न २०१६
  • पवन नालट : गजलसृजन २०१६
  • अल्पना नायक : गजलांकुर २०१६
  • आनंद पेंढारकर : गजलगुंजन २०१६
  • नितीन देशमुख : गजलगुंजन २०१६
  • गाथा जाधव : गजलगुंजन २०१६

गझल परिसंवाद[संपादन]

गझलेविषयी चर्चा घडवून आणण्यासाठी गजलांकित प्रतिष्ठान ही संस्था गझल क्षेत्रातील अभ्यासकांना बोलावून परिसंवाद आयोजित करत असते.

काही महत्त्वाचे परिसंवाद[संपादन]

  • आशयप्रधान गझल गायन : सहभाग - डॉ. आशिष मुजुमदार, विनय राजवाडे, मिलिंद जोशी, जनार्दन केशव म्हात्रे
  • गझल आणि जाणिवा : सहभाग - संगीता जोशी, डॉ. सुनंदा शेळके, डॉ. दिलीप पांढरपट्टे, मोनिका सिंग
  • आजची मराठी गझल : सहभाग - डॉ. राम पंडित, सदानंद डबीर, प्रा. अशोक बागवे, मिलिंद जोशी, जनार्दन केशव म्हात्रे

गझल क्षेत्रातील मान्यवरांच्या मुलाखती[संपादन]

मराठी गझलेविषयक अधिकाधिक माहिती सर्वांपर्यंत पोहोचावी यासाठी गजलांकित प्रतिष्ठान ही संस्था गझल क्षेत्रातील मान्यवरांच्या मुलाखतींचे आयोजन करत असते.

काही महत्त्वाच्या मुलाखती[संपादन]

डावीकडील ठळक नाव - मान्यवर व्यक्ती : उजवीकडील नाव - मुलाखतकार

गजलांकित कार्यक्रमांमधील सहयोगी निवेदक[संपादन]

[माहितीज्ञान पोकळी]

  • जनार्दन केशव म्हात्रे
  • पवन नालट
  • मयुरेश साने
  • हेमंत राजाराम
  • सतीश दराडे
  • यामिनी दळवी

गझल वाचनाचे स्रोत[संपादन]

गजलांकित संकलित गझल

संदर्भ व बाह्यदुवे[संपादन]