हुमा घुबड

विकिपीडिया, मुक्‍त ज्ञानकोशातून
हुमा घुबड
Dusky Eagle Owl (Bubo coromandus) at nest at Bharatpur I2 IMG 5324.jpg
शास्त्रीय नाव Bubo coromandus (Latham)
कुळ घूकाद्य (Strigidae)
अन्य भाषांतील नावे
इंग्लिश Dusky Eagle-owl, Dusky Horned-owl
संस्कृत उलूक, भासोलूक
हिंदी जंगली घुघू

वर्णन[संपादन]

हुमा घुबड हे साधारण ५८ सें. मी. (२३ इं.) उंचीचे, पिसांची शिंगे असलेले मोठे घुबड आहे. याचा मुख्य रंग धुरकट-राखाडी असून याचे डोळे मोठे, पिवळ्या रंगाचे असतात. हुमा घुबड बसल्यावर याच्या डोक्यावरील पिसे शिंगासारखी वर, एकमेकांजवळ येतात.

वास्तव्य[संपादन]

भारतात सर्वत्र आढळणारा हा पक्षी विशेषतः पठारी भागात, माणसाच्या वस्तीजवळ, पाण्याच्या जवळ, जुन्या चिंच वृक्षांवर, आमरायात वगैरे राहणे पसंत करतो. हुमा घुबडाची एकदा जोडी जमली की कित्येक वर्षे एकाच ठिकाणी राहते. हुमा घुबड भारताशिवाय बांगलादेश, चीन, मलेशिया, म्यानमार, नेपाळ, पाकिस्तान, थायलंड हा देशातही आढळून येतो.

प्रजनन[संपादन]

नोव्हेंबर ते एप्रिल हा काळ हुमा घुबडाचा वीणीचा काळ असून मादी एकावेळी २ ते ३ पांढर्‍या रंगाची अंडी देते. सहसा पाण्याजवळच्या उंच झाडावर, काटक्यांच्या मदतीने हुमा घुबड आपले घरटे बांधतात. लहान सस्तन प्राणी, पक्षी, पाली, सरडे, मोठे कीटक हे हुमा घुबडाचे प्रमुख अन्न आहे.



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.