वेळगाव
| ?वेळगाव महाराष्ट्र • भारत | |
| — गाव — | |
| प्रमाणवेळ | भाप्रवे (यूटीसी+५:३०) |
| क्षेत्रफळ | .६०३८१ चौ. किमी |
| जवळचे शहर | पालघर |
| जिल्हा | पालघर जिल्हा |
| लोकसंख्या • घनता |
१,४७४ (२०११) • २,४४१/किमी२ |
| भाषा | मराठी |
| सरपंच | |
| बोलीभाषा | आदिवासी कातकरी |
| कोड • पिन कोड • दूरध्वनी • आरटीओ कोड |
• ४०१२०१ • +०२५२५ • एमएच४८ |
वेळगाव हे भारतातील महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.
भौगोलिक स्थान[संपादन]
बोईसर रेल्वे स्थानकापासून पूर्वेस बेटेगाव मार्गाने गेल्यावर माण, गुंदाळे, नागझरी गावानंतर हे गाव लागते. बोईसर रेल्वे स्थानकापासून हे गाव १४ किमी अंतरावर आहे.
हवामान[संपादन]
पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.
लोकजीवन[संपादन]
हे मध्यम आकाराचे गाव आहे.२०११ च्या भारतीय जनगणनेनुसार गावात २९१ कुटुंबे राहतात. एकूण १४७४ लोकसंख्येपैकी ७०७ पुरुष तर ७६७ महिला आहेत.मुख्यतः आदिवासी समाजातील लोक येथे राहतात. छोट्या प्रमाणावर शेती व शेतमजूर, वीटभट्टीमजूर म्हणून ते काम करतात.अगदी लहान प्रमाणात कुक्कुटपालन, बकरीपालन सुद्धा ते करतात.
नागरी सुविधा[संपादन]
गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत.महाराष्ट्र राज्य परिवहन महामंडळाच्या बस बोईसर रेल्वे स्थानकावरून येथे येण्यासाठी ठराविक वेळी उपलब्ध असतात. अॉटोरिक्शासुद्धा बोईसर रेल्वे स्थानकावरून दिवसभर उपलब्ध असतात.
जवळपासची गावे[संपादन]
दातिवरे, अशेरी, खडकावणे, वाडे, चारीखुर्द, चिल्हार, पोळे, खुटाळ, दामखिंड, कोंढण, आवधणही जवळपासची गावे आहेत.वेळगावसह आंभण, बांधण, दामखिंड, खुटाळ, कोंढण ही गावे गृप ग्रामपंचायतीमध्ये येतात.
संदर्भ[संपादन]
१. https://www.census2011.co.in/data/subdistrict/4163-palghar-thane-maharashtra.html
२. https://villageinfo.in/maharashtra/thane/palghar.html