मलेशिया एरलाइन्स फ्लाइट १७

मलेशिया एअरलाइन्स फ्लाइट १७

९एम-एमआरडी या अपघातग्रस्त विमानाचे रोम विमानतळावर इ.स. २०११ साली टिपलेले चित्र
अपघात सारांश
तारीख	१७ जुलै २०१४
स्थळ	ह्राबोव, दोनेत्स्क ओब्लास्त, युक्रेन 48°8′17″N 38°38′20″E
प्रवासी	२८३
कर्मचारी	१५
जखमी	०
मृत्यू	२९८ (सर्व)
बचावले	०
विमान प्रकार	बोईंग ७७७-२००इआर
वाहतूक कंपनी	मलेशिया एअरलाइन्स
विमानाचा शेपूटक्रमांक	९एम-एमआरओ
पासून	अ‍ॅम्स्टरडॅम विमानतळ श्चिफोल, अ‍ॅम्स्टरडॅम, नेदरलँड्स
शेवट	क्वालालंपूर आंतरराष्ट्रीय विमानतळ, क्वालालंपूर, मलेशिया

उड्डाणाचा मार्ग

अपघाताचे स्थान

अपघाताचे युक्रेनमधील स्थान

मलेशिया एरलाइन्स फ्लाइट १७ हे मलेशिया एरलाइन्सचे अ‍ॅम्स्टरडॅम श्चिफोल विमानतळावरून क्वालालंपूर आंतरराष्ट्रीय विमानतळाकडे जाणारे उड्डाण होते. १७ जुलै २०१४ रोजी बोईंग ७७७-२००ईआर प्रकारचे हे विमान युक्रेनमधील ह्राबोव ह्या रशियन सीमेजवळ असलेल्या एका गावाजवळ कोसळले. बक ह्या क्षेपणास्त्राचा हल्ला करून हे विमान पाडण्यात आले असा निष्कर्ष काढण्यात आला गेला आहे.

जेथे हे विमान कोसळले तो भूभाग सध्या रशियामध्ये सामील होऊ पाहणाऱ्या फुटीरवादी गटाच्या ताब्यात असून येथे युक्रेन सरकारचे अधिपत्य नाही. एम.एच. १७ विमानामधील २८३ प्रवासी व १५ कर्मचारी अशा एकूण २९८ व्यक्ती ह्या अपघातामध्ये मृत्यूमुखी पडल्या. हे विमान नक्की कोणी पाडले ह्याबद्दल तपास सुरू असून अमेरिकेने ह्यासाठी फुटीरवादी गटाला व त्यांना पाठिंबा देणाऱ्या रशियाला ह्या घातपातासाठी जबाबदार धरले आहे तर फुटीरवाद्यांनी जबाबदारी नाकारली आहे. रशियाने युक्रेनकडे बोट दाखवले आहे.

मार्चमध्ये गूढ प्रकारे गायब झालेल्या मलेशिया एरलाइन्स फ्लाइट ३७० नंतर मलेशिया एरलाइन्सच्या विमानाला झालेली २०१४ सालामधील ही दुसरी मोठी दुर्घटना होती.

अपघातग्रस्त व्यक्तींचे राष्ट्रीयत्व

राष्ट्रीयत्वानुसार विमानामधील व्यक्ती

देश	संख्या
ऑस्ट्रेलिया	27
बेल्जियम	4
कॅनडा	1
जर्मनी	4
इंडोनेशिया	12
मलेशिया	43
नेदरलँड्स	193
न्यूझीलंड	1
फिलिपिन्स	3
युनायटेड किंग्डम	10
एकूण	298