नांदणीगायगोठा

विकिपीडिया, मुक्‍त ज्ञानकोशातून
Jump to navigation Jump to search
  ?नांदणीगायगोठा
महाराष्ट्र • भारत
—  गाव  —
प्रमाणवेळ भाप्रवे (यूटीसी+५:३०)
क्षेत्रफळ १.०६८६२ चौ. किमी
जवळचे शहर वाडा
जिल्हा पालघर जिल्हा
लोकसंख्या
घनता
१,३९६ (२०११)
• १,३०६/किमी
भाषा मराठी
सरपंच प्रशांत खांडवी
बोलीभाषा वारली,कुणबी.
कोड
पिन कोड
दूरध्वनी
आरटीओ कोड

• ४२१३१२
• +०२५२६
• एमएच/४८ /०४ /०५

नांदणीगायगोठा हे भारतातील महाराष्ट्र राज्यातील उत्तर कोकणातील पालघर जिल्ह्यातील वाडा तालुक्यातील एक गाव आहे.

भौगोलिक स्थान[संपादन]

वाडा बस स्थानकापासून राष्ट्रीय महामार्ग क्रमांक ८४८ ने जाऊन पुढे डाकीवळीफाट्याने गेल्यावर राजन हरचेकर कंपनी,आणि चौधरी पाडा वसाहत गेल्यानंतर हे गाव लागते. वाडा बस स्थानकापासून हे गाव ३४ किमी अंतरावर आहे.

हवामान[संपादन]

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

लोकजीवन[संपादन]

हे मध्यम आकाराचे गाव आहे.२०११ च्या भारतीय जनगणनेनुसार गावात २७६ कुटुंबे राहतात. एकूण १३९६ लोकसंख्येपैकी ६९८ पुरुष तर ६९८ महिला आहेत. गावाची साक्षरता ६०.८१ टक्के आहे.पुरुष साक्षरता ६८.५९ आहे तर स्त्री साक्षरता ५३.०५ आहे. गावातील वय वर्ष शून्य ते सहा वर्षे लहान मुलांची संख्या २१७ आहे.ती एकूण लोकसंख्येच्या १५.५४ टक्के आहे. मुख्यतः आदिवासी व कुणबी समाजातील लोक येथे राहतात. कुणबी समाजाचा शेती हा मुख्य व्यवसाय असून आदिवासी समाज शेतमजूर, वीटभट्टीमजूर, कामगार म्हणून काम करतात. ते काही प्रमाणात कुक्कुटपालन, बकरीपालन सुद्धा करतात.

नागरी सुविधा[संपादन]

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत.महाराष्ट्र राज्य परिवहन महामंडळाच्या बसेस वाडा बस स्थानकावरून येथे येण्यासाठी ठराविक वेळी उपलब्ध असतात. रिक्शासुद्धा वाड्यावरुन उपलब्ध असतात.

जवळपासची गावे[संपादन]

डोंगस्ते, बिळवळी, बुधावळी, गुंज, काटी, अंबारभुई, निंबावळी, गोराड, केळठण, लोहापे, मुसरणे ही जवळपासची गावे आहेत.नांदणीगायगोठा ग्रामपंचायतीमध्ये अंबरभुई आणि नांदणीगायगोठा ही गावे येतात.

संदर्भ[संपादन]

१. https://www.census2011.co.in/data/subdistrict/4163-palghar-thane-maharashtra.html

२. https://villageinfo.in/maharashtra/thane/palghar.html

३. https://www.mapsofindia.com/lat_long/maharashtra/

४. http://tourism.gov.in/

५. http://districts.nic.in/districtsdetails.php?sid=MH&disid=MH036

६. https://palghar.gov.in/

७. https://palghar.gov.in/tourism/