दनु

हिंदू पौराणिक साहित्यानुसार दनु (मराठी लेखनभेद: दनू ; संस्कृत: दनु) ही कश्यपाची पत्‍नी व दानव वंशाची माता होती. ही दक्ष प्राचेतस प्रजापती व त्याची पत्‍नी असिक्री यांची कन्या होती.

वंश

कश्यपापासून हिला झालेले पुत्र दानव या मातृक नावाने संबोधले जातात. शतपथ ब्राह्मणानुसार वृत्र हा दनूचा पुत्र होता. महाभारतमते हिला विप्रचित्ति आदी ३४ पुत्र होते. पौराणिक साहित्यात अन्यत्र हिला १२६ पुत्र होते, असे उल्लेख आढळतात. तिच्या पुत्रांपैकी केशिन्, तारक, नमुचि, नरक, बाण, विप्रचित्ति, वृषपर्वन्, शंबर, हिरण्यकश्यपू हे पुत्र विशेष ख्यात झाले.

मंदिरे

दनूस पूज्य देवी मानून बांधलेली दोन मंदिरे इंडोनेशियात बाली बेटावर आहेत :एक ब्रातान तळ्याजवळ असलेले पुरा उलुन दनु मंदिर व दुसरे पनेलोकान या स्थानानजीकचे उलुन दनु बातुर मंदिर.