लातूरचा भूकंप

विकिपीडिया, मुक्‍त ज्ञानकोशातून
(१९९३ लातूर भूकंप या पानावरून पुनर्निर्देशित)

१९९३ सालच्या ३० सप्टेंबरला भारतीय प्रमाणवेळेनुसार पहाटे ३:५५ वाजता लातूरउस्मानाबाद जिल्ह्यांत एक भूकंप झाला, त्याला लातूरचा भूकंप म्हटले जाते. ह्या भूकंपाचे केंद्र सोलापूरच्या ईशान्येस ७० किमी अंतरावर होते. रिश्टर स्केलवर ६.५ मोजला गेलेल्या ह्या भूकंपात अंदाजे १०,००० लोक मृत्युमुखी पडले तर सुमारे १६,००० लोक जखमी झाले. ५३,००० घरे पूर्णपणे जमीनदोस्त झाली. उस्मानाबाद जिल्ह्यातील उमरगा व लातूर जिल्ह्यातील औसा तालुक्यांना ह्या भूकंपाचा सर्वात जास्त फटका बसला. ह्या दोन तालुक्यांतील एकूण ५२ गावे उद्‌ध्वस्त झाली.