नर्गीस दत्त

नर्गीस दत्त
नर्गीस,आवारा चित्रपटात.
जन्म	फातिमा रशीद जून २, १९२९
मृत्यू	३ मे, इ.स. १९८१
राष्ट्रीयत्व	भारतीय
कार्यक्षेत्र	अभिनय
प्रमुख चित्रपट	आवारा, मदर इंडिया
अपत्ये	संजय दत्त

नर्गीस दत्त तथा फातिमा रशीद (१ जून, इ.स. १९२९ - ३ मे, इ.स. १९८१) ही एकभारतीय हिंदी चित्रपट अभिनेत्री होती. हिंदी चित्रपटसृष्टीतील आघाडीची नायिका म्हणून नर्गीसचा उल्लेख होतो. तिने चित्रपटसृष्टीत पदार्पण बाल कलाकार म्हणून १९३५मध्ये तलाश-ए-इश्क या सिनेमाने केले तर अभिनेत्री म्हणून कारकिर्दीस सुरुवात १९४२ साली तमन्ना या चित्रपटाने केली. तेव्हापासून सालापासून ते १९६०च्या दशकापर्यंत वीस वर्षांच्या कारकिर्दीत नर्गीसने अनेक सिनेमांतून कामे केली. त्यातील अनेक चित्रपटांत तिचे नायक सिनेनिर्माता राज कपूर होते.

मदर इंडिया या चित्रपटातील राधाच्या भूमिकेसाठी तिला फिल्मफेअर सर्वोत्तम अभिनेत्री पुरस्कार मिळाला. त्यानंतर एक वर्षात या चित्रपटातील आपल्या सहकलाकार सुनील दत्तशी लग्न करून नर्गीस दत्तने चित्रपटअभिनयातून निवृत्ती घेतली. त्यानंतर तिने रात और दिन सारख्या चित्रपटांत अपवादानेच अभिनय केला. या चित्रपटासाठी तिला सर्वोत्कृष्ट अभिनेत्रीचा पुरस्कार मिळाला.