ख्रिश्चन धर्म

Cristo Redentor de los Andes

ख्रिश्चन (ग्रीक : Xριστός, (ख्रिस्तोस), म्हणजे ख्रिस्त अभिषेक्त व्यक्ती (अभिषेक झालेला)). हा एक परमेश्वरावर विश्वास ठेवणारा धर्म आहे. तो येशू ख्रिस्ताच्या शिकवणीवर आधारित आहे. ही शिकवण बायबलमधील नवा करार दिलेली आहे. ख्रिस्ती धर्म तीन मुख्य प्रकारात आढळतो: रोमन कॅथलिक, प्रोटेस्टंट आणि पूर्वत्तर रुढिवादी. प्रोटेस्टंट अजून छोट्या समूहांमध्ये आढळतो, त्याला डिनोमिनेशन म्हणतात. ख्रिश्चन धर्म हा लोकसंख्येच्या बाबत सगळ्यात मोठा धार्मिक संप्रदाय आहे. बायबल हा ख्रिश्चनांचा धर्मग्रंथ आहे.

विश्वास

ख्रिस्ती लोकांचा असा विश्वास आहे की येशू हा देवाचा पुत्र आहे, तो ईश्वर असून मनुष्य झाला, मानवतेचा रक्षक, जो तारणारा, त्यामुळे ख्रिस्ती लोक येशूला ख्रिस्त किंवा मसिहा म्हणतात.

ख्रिस्ती विश्वास करतात की येशू मसिह हा तोच आहे ज्याची हिब्रू बायबल (यहुदी लोकांचे धर्मपुस्तक व ख्रिस्ती लोकांचे जुना करार) मध्ये भविष्यवाणी केलेली आहे.

भारतातील ख्रिश्चन

Nasrani cross

२०११ च्या जनगणनेनुसार भारतात ख्रिश्चन धर्म हा तिसऱ्या क्रमांकाचा धर्म आहे. ख्रिस्ती भारताची लोकसंख्याचे २.३ टक्के आहे. याची सुरुवात संत थॉमस पासून झाली. भारताच्या ४ राज्यांत ख्रिश्चन हे बहुसंख्यक आहेत.