सुंदरलाल पटवा

सुंदरलाल पटवा (११ नोव्हेंबर, इ.स. १९२४ - २८ डिसेंबर, इ.स. २०१६:भोपाळ, मध्य प्रदेश, भारत) हे भारतीय जनता पक्षाचे ज्येष्ठ नेते, मध्य प्रदेशचे माजी मुख्यमंत्री व माजी भारताच्या केंद्र सरकारमधील मंत्री होते. पटवा १९८० साली अल्प काळाकरिता व १९९० ते १९९२ दरम्यान मध्य प्रदेशच्या मुख्यमंत्रीपदावर होते.

सुंदरलाल पटवा यांच्या कारकिर्दीची सुरूवात जनसंघापासून झाली होती. मध्य प्रदेश राज्याच्या भारतीय जनता पक्षाच्या पहिल्या सरकारमध्ये ते सहभागी होते. त्या राज्याच्या त्यांच्या पहिल्या मुख्यंमंत्रिपदाचा त्यांचा कार्यकाळ २० जानेवारी १९८० ते १७ फेब्रुवारी १९८० पर्यंत होता. तर दुसरा काळ ५ मार्च १९९० पासून १५ डिसेंबर १९९२ पर्यंत होता.

१९७७ मध्ये छिंदवाडा पोटनिवडणुकीत सुंदरलाल पटवा हे पहिल्यांदा खासदार म्हणून निवडून आले होते. मात्र १९९८ मध्ये त्यांना पराभवाला सामोरे जावे लागले होते. त्यानंतर ते १९९९ साली होशंगाबाद लोकसभा मतदारसंघांमधून लोकसभेवर निवडून गेले.