वरोर
| ?वरोर महाराष्ट्र • भारत | |
| — गाव — | |
| प्रमाणवेळ | भाप्रवे (यूटीसी+५:३०) |
| क्षेत्रफळ | ०.६६३ चौ. किमी |
| जवळचे शहर | डहाणू |
| जिल्हा | पालघर जिल्हा |
| लोकसंख्या • घनता |
२,८१० (२०११) • ४,२३८/किमी२ |
| भाषा | मराठी |
| सरपंच | |
| बोलीभाषा | वाडवळी, आगरी, मांगेली, भंडारी. |
| कोड • पिन कोड • दूरध्वनी • आरटीओ कोड |
• ४०१५०३ • +०२५२८ • एमएच/४८ /०४ |
वरोर हे भारतातील महाराष्ट्र राज्यातील उत्तर कोकणातील पालघर जिल्ह्यातील डहाणू तालुक्यातील एक गाव आहे.
भौगोलिक स्थान
[संपादन]डहाणू बस स्थानकापासून डहाणू-चिंचणी सागरी महामार्गाने गेल्यावर हे गाव लागते. डहाणू बस स्थानकापासून हे गाव १४ किमी अंतरावर आहे.
हवामान
[संपादन]पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते.उन्हाळ्यात हवामान उष्ण असते.पावसाळ्यात येथे भातशेती,नागलीशेती केली जाते.मासेमारी, ताडीव्यवसाय,आणि डायकाम हे व्यवसाय येथे पिढ्यानपिढ्या चालत आलेले आहेत.
लोकजीवन
[संपादन]हे मोठ्या आकाराचे गाव आहे.२०११ च्या भारतीय जनगणनेनुसार गावात ६७८ कुटुंबे राहतात. एकूण २८१० लोकसंख्येपैकी १३९२ पुरुष तर १४१८ महिला आहेत. गावाची साक्षरता ८७.६३ टक्के आहे.पुरुष साक्षरता ९२.८३ आहे तर स्त्री साक्षरता ८२.६३ आहे. गावातील वय वर्ष शून्य ते सहा वर्षे लहान मुलांची संख्या २४७ आहे. ती एकूण लोकसंख्येच्या ८.७९ टक्के आहे. वाडवळ, भंडारी, आगरी,मांगेली,आणि वैती समाजातील लोक येथे राहतात. येथे शेती हा व्यवसाय असून बरेच लोक मासेमारी, ताडीव्यवसाय, डायकाम, खाजगी-सरकारी नोकर, कामगार म्हणूनही काम करतात. दुग्धव्यवसाय, बकरीपालन, कुक्कुटपालन सुद्धा केले जाते.ज्वेलरी डायमेकींग हा शतकापेक्षा जुना असलेला गृहउद्योग इथे पिढ्यानपिढ्या चालू आहे.हा भारत देशाबरोबरच दुबई, नेपाळ, बांगलादेश, श्रीलंका, दक्षिण आफ्रिका अशा अनेक देशातील सोने व्यापाऱ्यांचे मुख्य आकर्षण आहे. सोन्याच्या दागिन्यांवर आकर्षक आणि नाजूक नक्षीकाम करण्याचे कसब लाभलेले असे शेकडो डायमेकर्स आजुबाजूच्या परिसरात आहेत.
नागरी सुविधा
[संपादन]गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस डहाणू बस स्थानकावरून येथे येण्यासाठी ठराविक वेळी उपलब्ध असतात. रिक्षासुद्धा डहाणूवरून उपलब्ध असतात.
जवळपासची गावे
[संपादन]गुंगावाडा, वाडापोखरण, चंडीगाव, आंबिस्तेवाडी, वाढवण, वासगाव, मोठगाव, वादडे, ओसरवाडी, तणाशी, देदाळे ही जवळपासची गावे आहेत.वरोर ग्रामपंचायतीमध्ये आंबिस्तेवाडी आणि वरोर ही गावे येतात.
संदर्भ
[संपादन]१. https://www.census2011.co.in/data/subdistrict/4163-palghar-thane-maharashtra.html
२. https://villageinfo.in/maharashtra/thane/palghar.html
३. https://www.mapsofindia.com/lat_long/maharashtra/
५. http://districts.nic.in/districtsdetails.php?sid=MH&disid=MH036