राजीव खांडेकर

विकिपीडिया, मुक्‍त ज्ञानकोशातून
Jump to navigation Jump to search
राजीव खांडेकर
जन्म आटपाडी सांगली जिल्हा
राष्ट्रीयत्व भारतीय
नागरिकत्व भारतीय
पेशा प्रसारमाध्यम संपादक
मालक एबीपी माझा
धर्म हिंदू


Broom icon.svg
या लेखातील मजकूर मराठी विकिपीडियाच्या विश्वकोशीय लेखनशैलीस अनुसरून नाही. आपण हा लेख तपासून याच्या पुनर्लेखनास मदत करू शकता.

नवीन सदस्यांना मार्गदर्शन
हा साचा अशुद्धलेखन, अविश्वकोशीय मजकूर अथवा मजकुरात अविश्वकोशीय लेखनशैली व विना-संदर्भ लेखन आढळल्यास वापरला जातो. कृपया या संबंधीची चर्चा चर्चापानावर पहावी.


राजीव खांडेकर महाराष्ट्रातील आघाडीच्या 'एबीपी माझा' पूर्वाश्रमीचा स्टार माझा’ या वृत्तवाहिनीचे मुख्य संपादक असलेल्या राजीव खांडेकर यांचा समावेश मुद्रीत आणि इलेक्ट्रॉनिक माध्यमांमध्ये सारख्याच धडाडीने काम करणाऱ्या मोजक्या पत्रकारांत होतो. मार्मिक राजकीय विश्लेषण, संयत मांडणीची पद्धत आणि परखडपणासाठी खांडेकर ओळखले जातात. ‘एबीपी माझा’च्या उभारणीपासून अल्पावधीत महाराष्ट्रातील सर्वाधिक लोकप्रिय वृत्तवाहिनीचा मान मिळवून देण्यात त्यांचा सिंहाचा वाटा आहे. भारतीय वृत्तवाहिन्यांच्या दर्जावर अंकूश ठेवण्यासाठी स्थापन करण्यात आलेल्या न्यूज ब्रॉडकास्टिंग स्टँडर्ड ॲथॉरिटीवर त्यांची अलिकडेच सन्माननीय नियुक्ती करण्यात आली आहे. या पदावर नियुक्ती झालेले ते पहिलेच मराठी संपादक आहेत. देशभरातील सर्वच वृत्तवाहिन्यांसाठी मार्गदर्शक तत्वे आखून देण्याचे काम ही ॲथॉरिटी करते. ग्रामीण महाराष्ट्राचे अर्थकारण आणि महाराष्ट्राचे राजकारण या दोन विषयांमध्ये गती असलेले राजीव खांडेकर ‘एबीपी माझा’मध्ये रुजू होण्यापूर्वी ‘लोकसत्ता’चे निवासी संपादक म्हणून ते कार्यरत होते. मार्मिक राजकीय विश्लेषणाबरोबरच, खांडेकर यांनी या काळात लिहिलेला ‘हार्ट टू हार्ट’ हा कॉलमही त्यातील शैलिदार भाषेमुळे वाचकांच्या स्मरणात राहिला. त्यांच्या हार्ट टू हार्ट या पुस्तकाला नंतर उत्कृष्ट वाड.मयनिर्मितीचा राज्य शासनाचा पुरस्कारही मिळाला. राजीव खांडेकर यांनी १९८९ मध्ये पुण्याच्या सकाळमधून आपल्या कारकिर्दीला सुरुवात केली. नाशिक सकाळ आणि पुण्याच्या लोकसत्तामध्ये काही काळ काम केल्यानंतर १९९५ पासून पुढे पाच वर्षे त्यांनी लोकसत्ताचे नवी दिल्ली प्रतिनिधी म्हणून काम पाहिले. या काळातील राजकीय आणि सांस्कृतिक क्षेत्रासंबंधीच्या त्यांच्या अनेक बातम्या महाराष्ट्रभर गाजल्या. २००० मध्ये ईटीव्ही मराठी सुरू झाल्यावर या वाहिनीच्या मुंबई ब्युरोचे प्रमुख म्हणूनही त्यांनी अडीच वर्षे काम पाहिले. ग्रामीण महाराष्ट्राच्या प्रश्नांबद्दल आस्था असलेल्या खांडेकर यांचे शालेय शिक्षण आटपाडी (जि. सांगली) येथे, महाविद्यालयीन शिक्षण सांगलीत आणि पदव्यूत्तर शिक्षण पुण्याच्या रानडे इन्स्टिट्यूटमध्ये झाले. गेल्या सुमारे पंचवीस वर्षांपासून ते पत्रकारितेमध्ये कार्यरत आहेत. राज्यातील अनेक मानाचे पुरस्कार त्यांना मिळाले आहेत. महाराष्ट्र संपादक परिषदेच्या आचार्य अत्रे पुरस्कार, सासवडच्या आचार्य अत्रे प्रतिष्ठानचा मानाचा पुरस्कार, एकमत पुरस्कार, आचार्य बाळशास्त्री जांभेकर पुरस्कार, महर्षि नारद पुरस्कार आदिंचा समावेश आहे.