रंजना देशमुख

रंजना देशमुख
जन्म	रंजना देशमुख इ.स. १९५५
मृत्यू	३ मार्च, इ.स. २००० शिवाजी पार्क, मुंबई
राष्ट्रीयत्व	मराठा, भारतीय
कार्यक्षेत्र	अभिनय
भाषा	मराठी
आई	वत्सला देशमुख
टिपा http://www.imdb.com/name/nm1714166/

रंजना देशमुख (अन्य नाव: रंजना;) (जन्मतारीख अज्ञात, इ.स. १९५५ - मार्च ३, इ.स. २०००; मुंबई, महाराष्ट्र) ही लोकप्रिय मराठी अभिनेत्री होती. इ.स. १९७०-१९८० च्या दशकांत अनेक मराठी चित्रपटांत तिने अभिनय केला. प्रसिद्ध मराठी अभिनेत्री संध्या ही रंजना हिची मावशी होय. आपल्या मावशीप्रमाणेच रंजना हिने व्ही. शांताराम निर्मित व किरण शांताराम दिग्दर्शित चंदनाची चोळी, अंग अंग जाळी या चित्रपटातून इ.स. १९७५ साली मराठी चित्रपटसृष्टीत पदार्पण केले. पुढे व्ही. शांताराम यांच्या झुंज या चित्रपटात तिने मुख्य नायिकेची भूमिका साकारली. अरे संसार संसार या चित्रपटातील भूमिकेसाठी रंजनेला राज्यसरकारचा इ.स. १९८० सालचा 'उत्कृष्ट अभिनेत्री' पुरस्कार मिळाला. इ.स. १९८३ साली हाच पुरस्कार तिला गुपचुप गुपचुप या चित्रपटासाठी मिळाला. सुशीला, गोंधळात गोंधळ, मुंबईचा फौजदार, जखमी वाघीण, भुजंग, एक डाव भुताचा, चानी हे तिचे आणखी काही उल्लेखनीय चित्रपट होत.

इ.स. १९८७ साली तिला झालेल्या अपघातामुळे तिची चित्रपट कारकीर्द अकाली संपुष्टात आली. 'फक्त एकदाच' या मराठी नाटकातून तिने मराठी रंगभूमीवर पदार्पण केले. इ.स. २००० साली, मुंबई येथे हृदय बंद पडून तिचा मृत्यू झाला.

प्रमुख_चित्रपट

• बिन कामाचा नवरा
• खिचडी
• असला नवरा नको ग बाई
• मुंबईचा फौजदार
• झुंज
• एक डाव भुताचा
• चंदनाची चोळी अंग अंग जाळी
• जखमी वाघीण
• भुजंग
• केला इशारा जाता जाता
• गुप चूप गुप चूप
• गोंधळात गोंधळ
• सुशीला
• चानी
• भालू
• बहुरूपी
• सासू वरचढ जावई
• सावित्री
• लक्ष्मी
• लक्ष्मीची पाऊले
• इये मराठीचे नागरी
• सगे सोयरे

बाह्य दुवे

• इंटरनेट मूव्ही डेटाबेस वरील रंजना देशमुख चे पान (इंग्लिश मजकूर)