खगोलीय विषुववृत्त

खगोलीय विषुववृत्त क्रांतिप्रतलाशी २३.४° कोन करते.

पृथ्वीचे विषुववृत्तीय प्रतल सर्व बाजूंनी वाढविल्यास ते पृथ्वीकेंद्रित काल्पनिक खगोलास ज्या वर्तुळात छेदते त्याला खगोलीय विषुववृत्त (Celestial equator: सेलेस्टिअल इक्वेटर) म्हणतात. पृथ्वीचा परिभ्रामण अक्ष कललेला असल्याने खगोलीय विषुववृत्त परिभ्रमण कक्षेच्या प्रतलाशी (क्रांतिप्रतल) २३.४° कोन करते.

पृथ्वीच्या विषुववृत्तावरील मनुष्य खगोलीय विषुववृत्ताची खस्वस्तिकामधून जाणारे अर्धवर्तुळ अशी कल्पना करू शकतो. जसजसा निरीक्षक उत्तरेकडे सरकत जातो, तसतसे खगोलीय विषुववृत्त विरुद्ध दिशेच्या क्षितिजाकडे सरकत जाते.

सध्या खगोलीय विषुववृत्त पुढील तारकासमूहांमधून जाते:

मीन तिमिंगल वृषभ यमुना मृग

शृंगाश्व लघुलुब्धक वासुकी षडंश सिंह

कन्या भुजंग भुजंगधारी गरूड कुंभ