अवंतिका एक्सप्रेस

अवंतिका एक्सप्रेसचा फलक

अवंतिका एक्सप्रेसचा मार्ग

अवंतिका एक्सप्रेस ही भारतीय रेल्वेची एक जलद प्रवासी सेवा आहे. पश्चिम रेल्वेद्वारे चालवली जात असलेली ही रेल्वे मुंबईला मध्य प्रदेशची आर्थिक राजधानी इंदूरसोबत जोडते. ही गाडी मुंबई सेंट्रल व इंदूर स्थानकांदरम्यान रोज धावते व मुंबई ते इंदूर दरम्यानचे ८२९ किमी अंतर १४ तासांत पूर्ण करते. ह्या गाडीला उज्जैन ह्या ऐतिहासिक शहराचे अवंतिका हे प्राचीन नाव दिले गेले आहे.

मुंबई ते इंदूरदरम्यानचा संपूर्ण मार्ग विद्युत असल्यामुळे डब्ल्यू.ए.पी.-४ हे विद्युत इंजिन अवंतिका एक्सप्रेससाठी वापरले जाते.

बोगी

या ट्रेन ला 1 प्रथम श्रेणी वातानुकूलित, 2 द्वितीय श्रेणी वातानुकूलित, 5 तृतीय श्रेणी वातानुकूलित, 12 श्ययन यान, 4 सामान्य वर्ग, अश्या एकूण 24 बोगी असतात. वेळेनुसार अति अवजड पार्सल वाहन देखील कधी कधी राहाते. भारतीय रेल्वे प्रवाश्यांच्या मागणीनुसार रेल्वे च्या अधिकारात सेवेत बदल करते.

सेवा

दर दिवशी चालणारी ही ट्रेन आहे. ही ट्रेन मुंबई सेंट्रल ते इंदूर हे 829 किमी अंतर 13 तास आणि 55 मी. मध्ये सरासरी तासी वेग 59.57 किमी ठेवून पोहचते आणि परतीचा प्रवास तासी वेग सरासरी 60.29 किमी ठेवून 13 तास 45 मी.पोहचते.

5-2-2012 रोजी या रेल्वे मार्गाचे DC इलेक्ट्रिक मधून AC मध्ये रूपांतर झाल्याने वडोदरा येथील WAP 4ई या रेल्वे इंजींनचे मदतीने ही ट्रेन धावते.

तपशील

वेळापत्रक

गाडी क्रमांक	मार्ग	प्रस्थान	आगमन	कधी
१२९६१	मुंबई सेंट्रल – इंदूर	१९:०५	०९:००	रोज
१२९६२	इंदूर – मुंबई सेंट्रल	१६:२५	०६:१०	रोज

मार्ग

क्रम	स्थानक संकेत	स्थानक नाव	अंतर (किमी)
१	BCT	मुंबई सेंट्रल	०
२	BVI	बोरिवली	३०
३	BL	वलसाड	१९४
४	NVS	नवसारी	२३०
५	ST	सुरत	२६३
६	AKV	अंकलेश्वर	३१२
७	BH	भरूच	३२२
८	BRC	वडोदरा	३९२
९	GDA	गोधरा	४६५
१०	DHD	दाहोद	५४०
११	MGN	मेघनगर	५७३
१२	THDR	थांडला	५८१
१३	BMI	बाम्निया	६०८
१४	RTM	रतलाम	६५३
१५	KUH	खाचरोद	६८१
१६	NAD	नागदा	६९५
१७	UJN	उज्जैन	७५०
१८	DWX	देवास	७९०
१९	INDB	इंदूर	८२९

हे सुद्धा पहा

• इंदूर दुरंतो एक्सप्रेस

बाह्य दुवे

• मार्ग व वेळापत्रक