पी.सी. अलेक्झांडर

विकिपीडिया, मुक्‍त ज्ञानकोशातून
पदिंजरेथलकल चेरियन अलेक्झांडर
जन्म मार्च २०, इ.स. १९२१
केरळ
मृत्यू ऑगस्ट ११, इ.स. २०११
मद्रास मेडिकल मिशन हॉस्पीटल, चेन्नई
मृत्यूचे कारण कर्करोग
चिरविश्रांतिस्थान सेंट मेरी ऑर्थोडॉक्स चर्च, मेवलीकारा, अलप्पुळा जिल्हा, केरळ
राष्ट्रीयत्व भारतीय
नागरिकत्व भारतीय
पेशा प्रशासनिक सेवा, राज्यपाल
पदवी हुद्दा तमिळनाडू राज्यपाल, महाराष्ट्र राज्यपाल
कार्यकाळ १९८८ - १९९०, १२ जानेवारी १९९३ ते १३ जुलै २००२,
धर्म ख्रिश्चन
अपत्ये २ मुली, २ मुले


डॉ. पदिंजरेतलकल चेरियन अलेक्झांडर (मल्याळम: പി.സി. അലക്സാണ്ടർ ; रोमन लिपी: Padinjarethalakal Cherian Alexander ;), अर्थात पी.सी. अलेक्झांडर (रोमन लिपी: P.C. Alexander ;), (२० मार्च, इ.स. १९२१ - १० ऑगस्ट, इ.स. २०११) हे भारतातील मल्याळी राजकारणी व मुलकी सेवेतील माजी अधिकारी होते. ते इ.स. १९८८ ते इ.स. १९९० या कालखंडात तमिळनाडूचे, तर इ.स. १९९३ ते इ.स. २००२ या कालखंडात महाराष्ट्राचे राज्यपाल होते. इ.स. १९९६ ते इ.स. १९९८ या काळात त्यांनी गोव्याच्या राज्यपालपदाचीही धुरा वाहिली. २९ जुलै, इ.स. २००२ ते २ एप्रिल, इ.स. २००८ या काळात त्यांनी भारताच्या राज्यसभेत अपक्ष राहून महाराष्ट्राचे प्रतिनिधित्व केले. ते भारतीय राष्ट्रीय काँग्रेस पक्षाचे सदस्य होते.

कारकीर्द[संपादन]

सनदी अधिकारी[संपादन]

पी.सी. अलेक्झांडर भारताच्या माजी पंतप्रधान इंदिरा गांधी यांच्या विश्वासू वर्तुळातील होते. त्यांचे प्रधान सचिव म्हणून काम करण्याची संधी मिळाल्यानं अलेक्झांडरांनी सनदी नोकरीचा राजीनामा दिला होता. इंदिरा गांधी यांच्या हत्येनंतर, राजीव गांधी यांनीही आपले प्रधान सचिव म्हणून त्यांची नियुक्ती केली होती.

राज्यपाल[संपादन]

पुढे राजीव गांधींनी अलेक्झांडरांना इंग्लंडमध्ये उपायुक्त म्हणून पाठवले. इ.स. १९८८ मध्ये तामिळनाडूच्या राज्यपालपदाची जबाबदारीही त्यांच्यावर सोपवण्यात आली. इ.स. १९८८ ते इ.स. १९९० या कालावधीत त्यांनी तामिळनाडूच्या राज्यपालपदाची जबाबदारी स्वीकारली. त्यानंतर, इ.स.१९९३ मध्ये, नरसिंह राव पंतप्रधान असताना ते राज्यपाल म्हणून महाराष्ट्रात दाखल झाले आणि इ.स. २००२ पर्यंत त्यांनी हे पद भूषवले. अलेक्झांडरांनी १२ जानेवारी इ.स.१९९३ ते १३ जुलै इ.स. २००२ या दीर्घ कालावधीत महाराष्ट्राच्या राज्यपालपदाची जबाबदारी प्रभावीपणे सांभाळली; याशिवाय त्यांनी तामिळनाडू; तसेच गोव्याच्या राज्यपालपदाचा अतिरिक्त कार्यभारही सांभाळला होता. राज्याच्या मागास भागातील अनुशेष दूर करण्यासाठी अलेक्झांडर यांनी प्रादेशिक विकास मंडळाची स्थापना केली होती. माजी पंतप्रधान दिवंगत इंदिरा गांधी आणि राजीव गांधी यांच्या मुख्य सचिव पदाची जबाबदारीही त्यांनी सांभाळली होती. "उच्च प्रतिचा अभ्यासू प्रशासक' अशी त्यांची राष्ट्रीय आणि आंतरराष्ट्रीय स्तरावर प्रतिमा होती. भारताचे ब्रिटनमधील उच्चायुक्त आणि जिनेव्हा येथील संयुक्त राष्ट्र आंतरराष्ट्रीय व्यापार केंद्राचे सहायक महासचिव म्हणूनही त्यांनी काम पाहिले होते. माजी पंतप्रधान इंदिरा गांधी यांचे प्रधान सचिव असणाऱ्या अलेक्झांडरांनी संयुक्त राष्ट्रांमध्ये भारताचे प्रतिनिधित्व केले. लंडनमधील भारतीय उच्चायुक्त आदी जबाबदाऱ्याही पार पाडल्या होत्या.

राज्यसभा सदस्य[संपादन]

इ.स. २००७ मध्ये राष्ट्रपतीपदासाठीही पीसींचं नाव चर्चेत होतं, पण त्यांचे ते स्वप्न पूर्ण होऊ शले. नाही. अपक्ष उमेदवार म्हणून जुलै २९ इ.स. २००२ ते एप्रिल २ इ.स. २००८ पर्यंत त्यांना राज्यसभेचे खासदार म्हणून काम करण्याची संधी त्यांना मिळाली. तिथे त्यांनी महाराष्ट्राचे प्रतिनिधित्व केले होते. इ.स. २००७ च्या राष्ट्रपतीपदासाठीच्या निवडणुकीत उमेदवार म्हणूनही त्यांचे नाव काही काळ चर्चेत होते.

साहित्यिक लेखन[संपादन]

त्यांनी ‘थ्रू द कॉरिडोअर्स ऑफ पावर’ हे आत्मचरित्र लिहले.. माय इअर विथ इंदिरा गांधी, इंडिया इन द न्यू मिलेनिअम, असे काही पुस्तकंही लिहिली.

बाह्य दुवे[संपादन]

  • अल्पपरिचय. राज्यपाल, महाराष्ट्र शासन यांच्या कार्यालयाचे संकेतस्थळ. (इंग्लिश मजकूर)



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.