महापरिनिर्वाण दिन

महापरिनिर्वाण दिन हा डॉ. बाबासाहेब आंबेडकर स्मृतिदिन असून तो ६ डिसेंबर रोजी असतो. या दिवशी भारतासह जगभरातील कोट्यवधी आंबेडकरवादी व बौद्ध व्यक्ती बाबासाहेबांना अभिवादन करतात. मुंबईतील चैत्यभूमी येथे महापरिनिर्वाण दिनी त्यांचे लक्षावधी अनुयायी जमा होतात. स्थानिक बौद्ध विहारे (बौद्ध मंदिरे), स्वतःच्या घरी, सार्वजनिक स्थळी, शाळा-महाविद्यालये, शासकिय कार्यालये इ. या ठिकाणी या दिवशी बाबासाहेबांची प्रतिमा व मुर्ती समोर ठेवून लोक त्यांना अभिवादन करतात.