असुर

असुर किंवा दैत्य हे हिंदू पुराणांत वर्णिलेले लोक आहेत. असुर हे सुर (देव) नाहीत असे लोक होय. असुरांकडे देवांप्रमाणेच अमानवी शक्ती असते.

अगदी सुरुवातीच्या वैदिक ग्रंथांमध्ये अग्नी, इंद्र व इतर देवांचा उल्लेख असुर (ज्ञान, शक्ती आणि प्रदेशांचे अधिपती या अर्थाने) असाच केलेला आहे. नंतरच्या वैदिक साहित्यामध्ये आणि वेदोत्तर साहित्यामध्ये देव आणि असुर हे एकमेकांचे शत्रू असून ते एकमेकांवर सतत कुरघोडी करीत असल्याचे आढळते. असुरांचे दोन गट असून त्यांतील 'सुष्ट' असुरांचा नेता वरुण आहे तर 'दुष्ट' असुरांचा नेता वृत्र होय.

असुर हे राक्षस, यक्ष किंवा दस्यु या लोकांसमान असले तरी हे गण एकच नाहीत.

काही प्रसिद्ध असुर

• तारकासुर : ह्याचा वध कार्तिकेयाने केला.
• त्रिपुरासुर : याला शंकराने मारले.
• बकासुर : भीमाने याला बुकलून बुकलून मारले.
• बाणासुर : श्रीकृष्णाने याचा वध केला.
• भस्मासुर : श्रीविष्णूने मोहिनीरूप घेऊन याला भस्मसात केले.
• मयासुर : त्वष्ट्याचा हा पुत्र मोठा स्थापत्यकार होता. पांडवासाठी याने मयसभा बांधली. २. रावणपत्नी मंदोदरीच्या वडलांचे नावही मयासुर होते.
• महिषासुर : ह्याचा वध दुर्गादेवीने केला.
• वृकासुर : भस्मासुराचे आधीचे नाव. २, शकुनीच्या एका मुलाचे नाव वृकासुर हॊते.
• वृत्रासुर : याला देवराज इंद्राने दधीची ऋषीच्या हाडांपासून बनवलेल्या वज्राने मारले.
• शंकासुर : निष्कारण शंका काढणाऱ्या माणसाला शंकासुर म्हणतात.
• शंखासुर : हे एका पुष्पवृक्षाचे नाव आहे.