पहिली बौद्ध संगीती

सप्तपर्णी लेणी राजगीर, येथे पहिली बौद्ध संगीती झाली होती.

पहिली बौद्ध संगीती किंवा पहिली बौद्ध परिषद इ.स.पू. ४८७ मध्ये अजातशत्रू राजाच्या आश्रयाने व महाकश्यक भिक्खुच्या अध्यक्षतेखाली राजगृह येथे भरली होती. बुद्धांच्या निर्वाणानंतर (निधन) बौद्ध भिक्खू व भिक्खूणींसाठी विनय अथवा वर्तणुकीचे नियम करणे आवश्यक होते. यास्तव भगवान बुद्धांची शिकवण, वक्तव्ये व उपदेश यांचे एकत्रीकरण करून नियम निर्मितीसाठी ही पहिली बौद्ध परिषद महाकश्यप, नामक बौद्ध ज्ञानियाने बोलाविली. सभेला फार मोठा शिष्यवृंद जमला होता. बौद्ध धम्म नियमांविषयी सभेत वादविवाद झाला आणि सूत्त पिटक व विनय पिटक ह्या दोन धम्मग्रंथाची सुरूवात झाली. या कामी आनंद व उपाली या विद्वान भिक्खुंनी मोलाची मदत केली.नियमभंग करणाऱ्यास योग्य दंड करण्यात आला. शिशूनागवंशी मगधसम्राट अजातशत्रू (इ.स.पू. ४९३ - ४६२) याने ह्या सभेला सर्व प्रकारचे साहाय्य केले.

हेही पहा

• दुसरी बौद्ध संगीती
• तिसरी बौद्ध संगीती
• चौथी बौद्ध संगीती
• पाचवी बौद्ध संगीती
• सहावी बौद्ध संगीती