राजा गोसावी

राजा गोसावी
जन्म	राजा गोसावी २८ मार्च, १९२५
मृत्यू	२८ फेब्रुवारी १९९८
राष्ट्रीयत्व	भारतीय
कार्यक्षेत्र	अभिनय
भाषा	मराठी

राजा गोसावी (जन्म: सिद्धेश्वर कुरोलीचा-खटाव तालुका, मार्च २८, १९२५; मृत्यू : २८ फेब्रुवारी १९९८) हे मराठीतले नाट्य-चित्रपट अभिनेते होते. पुण्याच्या भानुविलास चित्रपटगृहात राजा गोसावी चित्रपटाची तिकीट विकायचे काम करीत असत. राजा गोसावींना विनोदाचा राजा म्हणत. मराठीचे ते डॅनी के होते.

राजा गोसावी हे मास्टर विनायकांच्या घरी ते घरगड्याचे काम करीत. प्रफुल्ल पिक्चर्समध्ये त्त्यांनी आधी ऑफिसबॉयचे व नंतर सुतारकाम केले पुढे मेक-अप, प्रकाश योजना आदी खात्यांत काम करत ते ’एक्स्ट्रा’ नट बनले. पुढे दामुअण्णा मालवणकर यांच्या प्रभाकर नाट्य मंदिरात ते ’प्रॉम्प्टर’ झाले. त्यांना ’भावबंधन’ या नाटकात रखवालदाराची भूमिका मिळाली, तीच त्यांची नाटकातली पहिली भूमिका. त्यांनी भूमिका केलेला पहिला मराठी चित्रपट ’अखेर जमलं’ जेव्हा पुण्यातल्या भानुविलास चित्रपटगृहात लागला, तेव्हाही त्यांनीच आपल्या चित्रपटाची तिकिटे विकली होती.

राजा गोसावी यांचे शिक्षण मराठी चौथीपर्यंत झाले असले तरी त्यांच्या शब्दांत ते बी.ए.(बॉर्न आर्टिस्ट) होते. ते सुरुवातील कामगार म्हणून नाट्य क्षेत्रात शिरले आणि ’नटसम्राट’ म्हणून बाहेर पडले. राजा गोसावी यांनी १००हून अधिक चित्रपटांतून कामे केली आणि जवळपास ५० नाटकांत. ’भावबंधन’ मधील रखवालदाराच्या भूमिकेनंतर त्याच नाटकात ’धुंडीराज’ची भूमिका मिळाली. दुसरीकडे ते नाटकाची पोस्टर्स चिकटवायचे काम करीत.

राजा गोसवी यांची नाटके आणि त्यांतील भूमिका)

• एकच प्याला
• डार्लिंग डार्लिंग
• तुझे आहे तुजपाशी
• नटसम्राट
• नवरा माझ्या मुठीत गं
• पुण्यप्रभाव
• प्रेमसंन्यास
• भावबंधन (रखवालदार आणि धुंडीराज)
• लग्नाची बेडी
• वरचा मजला रिकामा
• संशयकल्लोळ
• सौजन्याची ऐशी तैशी
• हा स्वर्ग सात पावलांचा

राजा गोसावी यांचे चित्रपट

• आंधळा मागतो एक डोळा
• आलिया भोगासी
• काका मला वाचवागंगेत घोडं न्हाहलं
• गाठ पडली ठकाठका
• गुरुकिल्ली
• लग्नाला जातो
• लाखाची गोष्ट

पुरस्कार आणि सन्मान

• नटसम्राट मध्ये ’अप्पासाहेब बेलवलकरांची’ भूमिका करण्याचा मान
• १९९५ साली बारामती येथे झालेल्या अखिल भारतीय मराठी नाट्य संमेलनाचे अध्यक्षपद हा सर्वोच्च सन्मान

• वर्ग: इ.स. १९२५ मधील जन्म]]