अंकित मोहन

अंकित मोहन
जन्म	२० जानेवारी, १९८८ (1988-01-20) दिल्ली
राष्ट्रीयत्व	भारतीय
पेशा	अभिनेता
धर्म	हिंदू
जोडीदार	रूची सवर्ण

अंकित मोहन हा एक भारतीय अभिनेता आहे जो प्रामुख्याने हिंदी दूरचित्रवाणी मालिका आणि मराठी चित्रपटांमध्ये काम करतो. तो ससुराल गेंदा फूल, महाभारत, कुमकुम भाग्य आणि नागिन ३ या दूरचित्रवाणी मालिकांसाठी प्रसिद्ध आहे. त्याला महाभारत, कुमकुम भाग्य, नागिन ३, हैवान आणि काटेलाल अँड सन्स या मालिका तसेच मराठी चित्रपट फर्जंद साठी ओळखले जाते.

वैयक्तिक जीवन

२ डिसेंबर २०१५ रोजी अंकितने भारतीय दूरचित्रवाणी अभिनेत्री रुची सावर्ण हिच्याशी विवाह केला. ही त्याची सहकलाकार असून त्यांची भेट घर आजा परदेसी या मालिकेच्या सेटवर झाली होती. सप्टेंबर २०२१ मध्ये या जोडप्याने त्यांच्या पहिल्या अपत्याची घोषणा केली. ७ डिसेंबर २०२१ रोजी या जोडप्याला मुलगा झाला.

कारकीर्द

अंकित मोहनने २००६ मध्ये एमटीव्ही रोडीज ४ मधून पदार्पण केले. त्याने पंकज कपूर यांच्या मौसम चित्रपटात अशफाक हुसेन ही हवाई दलातील अधिकाऱ्याची भूमिका साकारली. शाहिद कपूरच्या मित्राच्या भूमिकेसाठी त्याची ८०० हून अधिक मुलांमधून निवड झाली होती. त्याने अनेक हिंदी मालिकांमध्ये काम केले आहे, जसे की घर आजा परदेसी, बसेरा आणि शोभा सोमनाथ की. त्याने स्टार प्लसच्या महाभारत मध्ये अश्वत्थामा आणि झी टीव्हीच्या कुमकुम भाग्य मध्ये आकाश यांची भूमिका साकारली. २०१८ मध्ये त्याने मराठी चित्रपट फर्जंद मध्ये मराठा योद्धा कोंडाजी फर्जंद ही मुख्य भूमिका साकारली. अंकितने कुमकुम भाग्य मध्ये आकाश ही भूमिका २०१६ पर्यंत साकारली. त्याने नागिन ३ मध्ये युवी ही भूमिका साकारली. सुरुवातीला ७-८ भागांनंतर तो मालिकेतून बाहेर पडला, कारण त्याचा खून विशाखा (अनिता हसनंदानी) यांच्या हातून दाखवला गेला. डिसेंबर २०१८ मध्ये तो पुन्हा मालिकेत परतला, यावेळी निधोगश वंश राणी सुमित्रा (रक्षंदा खान) यांचा आकार बदलणारा सर्प पुत्र म्हणून. २०१९ मध्ये बेला (सुरभी ज्योती) आणि विशाखा (अनिता हसनंदानी) यांनी त्याचा खून केल्याचे दाखवले गेले आणि एप्रिल २०१९ मध्ये त्याने ही भूमिका सोडली. अलीकडेच त्याने सोनी सबच्या काटेलाल अँड सन्स मध्ये मेघा चक्रवर्ती यांच्यासोबत मुख्य नायक विक्रमची भूमिका साकारली.