सोनिया परचुरे
| सोनिया परचुरे | |
|---|---|
| व्यक्तिगत माहिती | |
| धर्म | हिंदू |
| नागरिकत्व | भारतीय |
| देश | भारत |
| पारिवारिक माहिती | |
| जोडीदार | अतुल परचुरे |
| संगीत साधना | |
| गुरू | डॉ. मंजिरी देव |
| संगीत कारकीर्द | |
| पेशा | नृत्य शिक्षिका, नृत्य दिग्दर्शक, नाट्य अभिनेत्री |
| कार्य संस्था | शरयू नृत्य कलामंदिर |
सोनिया परचुरे या एक मराठी नर्तकी, नृत्यशिक्षक, नृत्यदिग्दर्शक आणि नाट्यअभिनेत्री आहेत. भारतीय नृत्यशैली, विशेषतः कथ्थक या नृत्यप्रकारात त्या वाकबगार आहेत.
वयाच्या सहाव्या वर्षी सोनिया परचुरे यांनी नृत्यगुरू पूनम मुरडेश्वर यांच्याकडे नाच शिकायला सुरुवात केली. सोनिया परचुरे यांनी कथ्थक गुरू आणि गोपीकृष्ण यांच्या शिष्या डॉ. मंजिरी देव यांच्याकडे १५ वर्षे कथ्थकचे कठोर प्रशिक्षण घेतले. अखिल भारतीय गांधर्व महाविद्यालयाच्या नृत्यविशारद आणि नृत्यालंकार या दोनही परीक्षात त्या पहिल्या वर्गात उत्तीर्ण झाल्या. त्यानंतर त्यांनी प्रसिद्ध तबलावादक तालमणी पंडित मुकुंदराज देव यांच्याकडून ’लयकारी’चे प्रशिक्षण घेतले.
मराठी नाट्य-चित्रपट अभिनेते अतुल परचुरे यांच्या त्या पत्‍नी आहेत.
संस्थास्थापन
[संपादन]सोनिया परचुरे यांनी ठाण्यात , १९९५ साली, शरयू नृत्य कलामंदिर या नावाची नृत्यकलेचे शिक्षण देणारी संस्था स्थापन केली. शास्त्रीय नृत्याचे शिक्षण देणारे ते एक नामवंत ठिकाण आहे. तेथे कथ्थकमधले एकूण एक बारकावे शिकवले जातात.
शिष्यपरिवार
[संपादन]- नकुल घाणेकर : सोनिया परचुरे यांच्याकडून प्रशिक्षण घेतलेले नकुल घाणेकर यांनी ठाण्यात भारतीय आणि विदेशी नाट्यप्रकार शिकविण्यासाठी ’डिफरन्ट स्ट्रोक्स डान्स ॲकॅडमी’ काढली आहे.
अभिनय
[संपादन]सोनिया परचुरे या एक नाट्य अभिनेत्रीसुद्धा आहेत. ’सावळ अंधाराचा’, ’प्रेमाच्या गावा जावे’, ’गेला माधव कुणीकडे’, तुझे आहे तुजपाशी’ आदी नाटकांत त्यांच्या भूमिका होत्या. ’आक्का’ नावाच्या चित्रपटांतले सोनिया परचुरे यांचे काम समीक्षकांनी आणि प्रेक्षकांनी खूप वाखाणले.
नृत्यदिग्दर्शन
[संपादन]- ही पोरगी कुणाची या मराठी चित्रपटाचे नृत्यदिग्दर्शन सोनिया परचुरे यांचे आहे.
- ’कृष्ण’ या नावाची श्रीकृष्णाचा जीवनपट दाखविणारी आणि रंगमंचावर सादर होत असलेली दोन तास कालावधीची एक नृत्य नाटिका सोनिया परचुरे यांनी दिग्दर्शित केली आहे. या नृत्यनाटिकेत श्रीकृष्णाचे काम नकुल घाणेकर यांनी केले आहे.