सरफराज अहमद (लेखक)

सरफराज अहमद
जन्म	५ नोव्हेंबर, इ.स. १९८३ सोलापूर, महाराष्ट्र
राष्ट्रीयत्व	भारतीय
भाषा	मराठी, हिंदी, इंग्रजी

सरफराज अहमद महाराष्ट्रातील महत्त्वाचे इतिहास अभ्यासक आहेत. ते मध्ययुगीन इतिहासकार म्हणून प्रसिद्ध आहेत. त्यांनी आत्तापर्यंत ५ पुस्तके लिहिली आहेत. तर काही पुस्तकाचे त्यांनी संपादन केलेले आहे. सफराज अहमद हे मराठीत लिहिणारे लेखक आहेत. मराठीशिवाय ते हिंदी, उर्दू आणि इंग्रजीतही लेखन करतात.

सरफराज अहमद बहुचर्चित हैदर अली टिपू सुलतान स्थापित सल्तननत ए खुदादाद या पुस्तकाचे लेखक आहेत. आत्तापर्यत या पुस्तकाचे पाच आवृत्त्या प्रकाशित झालेले आहे. २०१८ साली पुण्यातील डायमंड प्रकाशनाने याची बहुचर्चित पाचवी आवृत्ती प्रकाशित केली आहे. मध्ययुगीन मुस्लिम विद्वान हे त्यांचे अलीकडे प्रकाशित झालेले महत्त्वाचे पुस्तक आहे. ते मुक्तशब्द, परिवर्तनाचा वाटसरू, साप्ताहिक शोधन, सत्याग्रही विचारधारा, नजरिया, अक्षरनामा इत्यादी सामिक व वेबपोर्टलवर नियमित लेखन करतात. मध्ययुगीन इतिहासाचे वस्तुनिष्ठ लेखन व्हावे व इतिहास अभ्यासाला चालना मिळावी यासाठी त्यांनी सोलापूरला ॲड. गाजियोद्दीन रिसर्च सेंटरची स्थापना केली आहे. स्थापनेपासून ते संस्थेत सदस्य म्हणून कार्यरत आहेत.

प्रकाशित पुस्तके

• इतिहासाशी इमान आहे कुठे? (२०१३)
• भारतीय इतिहासलेखन विपर्यास (२०१४)
• मुसलमान राज्यकर्त्यांचा इतिहास (२०१४)
• सल्तनत-ए-खुदादाद (टिपू सुलतान याच्या जीवनावर आणि कारकिर्दीवर संशोधनपूर्वक लिहिलेला ग्रंथ). (२०१५)
• मध्ययुगीन मुस्लिम विद्वान (२०१८)
• सामाजिक समतेचा प्रवाह (२०१९)