सडादाढोली

ग्रामदेवता

थोडक्यात माहिती

मौजे सडादाढोली हे ग्रामपंचायात सडावाघपूरच्या हद्दीतले तालुका पाटण आणि जिल्हा सातारा जिल्हा मधील एक छोटेसे गाव आहे. सडादाढोली हे ठिकाण चाफळ श्रीराम मंदिरापासून पश्चिमेस ६ ते ७ किमी सह्याद्री पर्वतरांगेच्या पठारावर वसलेले हे गाव आहे . ग्रामदैवत दाढोबा (शिदोबा दाढोबा) या दैवताच्या नावावरून सडादाढोली हे नाव गावाला प्रचलित झाले अशी थोरांची आख्ययिका आहे ."सडा " हा शब्द पठारावरील सपाट खडकाळ भागाला बोलला जाणारा ग्रामीण बोलीभाषेतील शब्द आहे त्यावरून "सडादाढोली" असा नामोद्गार प्रचलित झाला.या क्षेत्राला पूर्वो "भैरवगड" या नावाने ओळखले जायचे . त्याचाही एक सविस्तर इतिहास आहे. खूप वर्षांपासून इथे गवळी धनगर गवळी धनगर समाजाचे लोक राहतात.

हि भूमी समर्थ रामदास स्वामींच्या पदस्पर्श झाल्याचे इतिहासात दाखले पाहायला मिळतात आणि इथंच रामदास्वामीनी " रामघळची निर्मिती केल्याचे ग्रंथात दाखले आहेत . रामदास स्वामी तिथे ध्यानसाधना करण्याकरता तिथे वास्तव्य करीत असत.काही वर्षांपूर्वी रामघळ क्षेत्राला महाराष्ट्र शासन तर्फे " क " श्रेणीचा पर्यटन दर्जा प्राप्त झाला आहे. बरेच शहरातील पर्यटक व भक्तजन रामघळीला भेट देन्या करता गर्दी करतात. पर्यटक व भक्तजणांना गैर सोया होऊ नये म्हणून रामघळ कुबडीतीर्थ ट्रस्ट मार्फत पाणीची व्यवस्था , संरक्षित रेलिंग , सौचालाय आदींची सुविधा करण्यात आल्या आहेत. त्याचबरोबर सदर गाव हे परमपूज्य ब्र.भू.वै.स.स. कै. जनार्दन महाराज वसंतगडकर ह्यांच्या परम चरणाने पावन झाले आहे आणि काही काळ त्यांचे वास्तव्य होते . त्यांनीच सन २००४ साली समर्थांच्या नावावरून सडादाढोलीचे 'समर्थनगर " असे नामकरण केले. तेव्हापासून "समर्थनगर सडादाढोली " नाव प्रचलित आहे . त्यांच्या जयनीतीनिमित्त गावात कार्यक्रम राबवले जातात . "दासनवमी " निमित्त गावात हरिनाम पारायण दरवर्षी साजरे केले जाते.

पोहचण्याचे मार्ग

पाटण - तारळे मार्ग :

पाटण पासून कमीतकमी १२ किमी सदर मार्गावरून प्रवास केल्यास खंडूआई मंदिरापासून उजवीकडे वळल्यास ३.५ किमी पर्यंतचा महाबलवाडीतून पुढे सडादाढोली इथे पोहचता येते.

उंब्रज- पाटण रोड :

उंब्रजपासून पोहचण्याकरता चाफळ मार्गे २३ किमी अंतर आहे.

पायी मार्ग

१. नवारस्ता - नाडली ही गाव पूर्ण करत डोंगरकपाऱ्यातून २ तासाची पायवाट मार्गे इथे पोचता येते. पूर्वी हा मार्ग अनेकदा वापरला जायचया.

२. चाफळ - शिंगणवाडी - बोरगेवाडी - बहिरेवाडी करत सडादाढोली हा १.५० तासाचा पायी मार्ग आहे.

३. ठोमसे -बांबर वाडी - सडादाढोली हा गावच्या पूर्वेच्या दिशेने २ तासाचा पायी मार्ग आहे.

निसर्ग पर्यटन

१. ऐरन कुंड शेजारी पावसाळी उलटा धबधबा

२. शिखरभैरी देवालय

३. कोयनादर्शन (केळदारं )

४. रामदर्शन (चाफळ) टोक

नैसर्गिक झरे

१. नवसरी झरा

२. शेंडेंचा झरा

३. खोपतला झरा

४. कुबडीतीर्थ (टाके झरा )