ब्राह्मणेतर चळवळ

कै.श्रीधरपंत टिळकांच्या(मृत्यू १९२८) शब्दांत सध्याचे युग हे लोकशाहीचे युग आहे. एकंदर हिंदू समाजही संक्रमणावस्थेत आहे. भगवंतांनी निर्माण केलेली श्रमविभागरूप चातुर्वर्ण्यव्यवस्था गुणकर्मविभागशः चालू राहाती, तर ती अतीव त्याज्य ठरून त्याविरुद्ध बंड पुकारण्याची पाळी कनिष्ठ किंवा निकृष्ठ वर्गावर आली नसती. परंतु देशाच्या दुर्दैवाने चातुर्वर्ण्य जन्मसिद्ध स्वरूपात वज्रलेप होऊन बसल्यामुळे त्यापासून अनर्थ ओढवला आहे. पुरातन काळी वर्णाश्रमधर्माने इष्ट कामगिरी बजावली असेल, असे नाही. परंतु आता चातुर्वर्ण्यास जितक्या लवकर मूठमाती मिळेल तितकी बरी.

ब्राह्मणेतर चळवळ म्हणजे काय ? आणि त्याची उद्दिष्ट्ये

भारतीय चातुर्वर्ण्य आणि वतन परंपरेतून निर्माण झालेली विषमता राजकीय, सामाजिक आणि आर्थिक अशा सर्व स्तरावरून नष्ट करून समताप्रधान, समानसंधी समाजाच्या सकारात्मक रचनेचे कार्य बहुजनांच्या सक्रियतेने साधणे असे ब्राम्हणेतर चळवळीमध्ये अभिप्रेत होते.

त्या काळीसुद्धा ब्राम्हण समाज मुख्य सत्तेपासून दूर होता आणि ब्राम्हणांचा प्रत्यक्ष प्रभाव मर्यादित होता. तरी सर्व विषमतेस एकट्या आणि संपूर्ण ब्राह्मण समुदायास लक्ष्य करणे हा चळवळीपेक्षा वेगळे मत मांडणार्‍यांचा मुख्य आक्षेप होता. त्यांचा आक्षेप समतावादी सुधारणांना नव्हता तर, ब्राह्मणेतर शब्द ब्राम्हणसमूहलक्षी बनल्यामुळे चळवळीला सरसकट ब्राह्मणद्वेषाचे स्वरूप तर येणार नाही ना अशी शंका व्यक्त करणारा होता.

भारतीय चातुर्वण्य वतनी आणि जातीय व्यवस्थेतून निर्माण झालेली विषमतासुद्धा भारतात येणार्‍या परकीय आक्रमकांना वेळोवेळी सोयीची झाली. त्यामुळे अशी विषमता घालवणे आवश्यक आहे या दृष्टिकोणातूनही भारतीय स्वातंत्र्य लढ्यातील विविध थरांतून आलेले महात्मा गांधी, साने गुरूजी, वि.दा. सावरकर, श्रीपाद अमृत डांगे, धोडो केशव कर्वे, इत्यादी सामाजिक नेते पुढे आले आणि त्यांनी राजर्षी शाहू आणि आर्यसमाजप्रणीत ब्राम्हणेतर चळवळीस पूरक अशा समाज सुधारणांना आणि अस्पृश्यता निर्मूलन चळवळींना होता होईतो हातभार लावला. हा त्यांचा सहभाग सुधारणावाद्यांना प्रत्येकवेळी पुरेसा वाटलाच असेही नाही.

ऐतिहासिक संदर्भ

पुरेशा ऐतिहासिक साधनांच्या अभावी सिंधू संस्कृती आणि प्राग एतिहासिक काळावबाबत मुख्यत्वे विवीध तर्कच केले जातात.जेनेटीक ऍनालिसीस आणि ऐतिहासिक पुराव्यांच्या अभावाने कालौघात निराधार ठरलेलेला, ब्रिटीशकाळात आर्य हे भारता बाहेरून आले हा तर्क मोठ्या प्रमाणावर स्विकारला गेला होता. सनातन ब्राम्हणीय चातुर्वर्नीय परंपरा या बाहेरून जीत होऊन आलेल्या आर्यांची प्रातिनिधीक समजली जाऊ लागली. यातून ब्राम्हणेतर आणि दक्षीण भारतीयांनी स्वतःस द्रविड समजुन हिंदूवेतर आणि ब्राम्हणेतर चळवळींची कास धरली.

यातच वीष्णू आवतार आणि इतर पूराण कथातून असलेल्या संघर्षांचा अर्थही ब्राम्हण -क्षत्रीय संघर्ष आणि सवर्ण आणि मागसवर्गीय अथवा आर्य अनार्य असा घेतला गेला.

यात भर म्हणजे रामायण कालीन शंबूक वध, आदीवासी आणि सूत पूत्रास शिक्षणाचे नकार संबधी रामायण महाभारततील उल्लेख. मनूस्मृती आणि शतपत ब्राह्मणातून शूद्र आणि ब्राम्हणेतर समाजावरील असमान तत्त्वावरील असहीष्णूता ब्राम्हणेतर समाजास खटककू लागली .

अस्पृश्यतेच्या परंपरा आणि शिक्षणास प्रत्यक्ष जिवनातील असमानता यामुळे गंजलेल्या बहुजन समाजास बाहेर काढण्याचे प्रयत्न ब्राम्हणेतर आणि संबधीत विवीध समाज सुधारणा चळवळींच्या योगाने झाला. ब्राम्हण आणि सवर्ण समाजाने कधी कुरकुरत तर कधी स्वत: पुढाकार घेत आर्थीक हित संबधांचे जमेल तसे हिरतरक्षणाचे प्रयत्न करत मार्गक्रमण सुरू ठेवले.

चातुर्वर्ण्यव्यवस्था

मनुस्मृती शतपत ब्राम्हण

वतनपद्धती

वतन ही गोष्ट वंशपरंपरागत असते. जात, व्यवसाय, काम, उत्पन्न, अधिकार, वडिलोपार्जित संपत्ती, जन्मभूमी या सर्व गोष्टी ‘वतन’ शब्दात अंतर्भूत होतात.

महाराष्ट्राच्याच नव्हे तर भारतातील ग्रामव्यवस्थेचे एके काळी जे बलस्थान होते, ते म्हणजे वतनपद्धती. त्यातूनच पुढे काही प्रश्न निर्माण झाले. सामाजिक अभिसरणाच्या प्रक्रियेत या प्रश्नांमुळे निर्माण झालेली गुंतागुंत सोडणे; हे आजच्या समाजसुधारक, राज्यकर्ते व विचारवंतांपुढचे मुख्य आव्हान आहे.

ग्रामजीवन हे कृषिप्रधान असल्यामुळे कृषीविषयक सर्व गरजा पूर्ण करण्यासाठी ही वेगवेगळी वतने निर्माण झाली. या वतनातून बलुतेदारी अधिक स्पष्ट होत गेली. तत्कालीन ग्रामसंस्कृतीचा अभ्यास केला तर हे लक्षात येते, की या एकसंध वतन, आसाम्या व बलुतेपद्धतीतून ग्रामीण अर्थव्यवस्था स्वतंत्रपणे कार्यरत राहिली. एकमेकांच्या आर्थिक, वैयक्तिक व धार्मिक स्वरूपाच्या गरजा पूर्ण केल्या जात. एका अर्थाने अलिखित अशी ही ‘सेवापद्धती’ किंवा स्थानिक ‘सव्‍‌र्हिस इंडस्ट्री’च होती, असे म्हटले तर वागवे ठरणार नाही.

सुधारक चळवळीची सुरूवात कुठून मोजावी ?

सुधारक चळ्वळीची सुरूवात मोजणारे प्रामुख्याने तीन गट आढळतात एक गट अखिल भारतीय पातळीवरील आदी शंकराचार्य गुरू नानक देव आणि काही दाक्षीणात्य संतांचा यात समावेशकरतो आणि महाराष्ट्र पातळीवर महानुभाव पंथीय, संत ज्ञानेश्वर आणि वारकरीपंथीय संता पासून मोजतो तर असाही बराच मोठा गट आहे की जो संत तुकारामापासून मोजतो पण बर्‍याच इतर संताम्चे कार्य ब्राह्मणी ठरवून नाकारतो.पण सुधारणा चळवळीवर खरा assertive आणि agressive प्रभाव महात्मा फुले राजर्षी शाहू आणि आंबेडकर आणि तमिळ नेते ... पासूनच मोजतो. शेवटच्या गट आधीच्या सुधारकांच्या प्रयत्नांना प्रभावशाली मानत नाही.

सनातनी आणि सुधारक वाद

• समता आणि समरसता

लोकमान्य टिळकांच्या काळातच सनातनी आणि सुधारक यांच्यातील वाद झगड्यांच्या स्वरुपात सार्वजनिक गणेशोत्सवाच्या वेळी दिसून येत असत.या वादाचे एक वैशीष्ट्य असेकी लोकमान्यांची स्वतःची दोन्ही मुले सुधारकांच्या बाजूने क्रियाशील होती.

लोकमान्य टिळकांना ब्राम्हणेतरांना सरसकट शिक्षण नाकारले गेले जहा मुद्दा मान्य नव्हता.लोकमान्य टिळकांचे ब्राम्हणेतरांचा अशिक्षणास ब्राम्हनेतराची उदरनिर्वाह अणि उत्पन्न विषयक प्राथमिकता होती म्हणून तो स्वतः ब्राम्हणेतर समाज शिक्षणाबाबत उदासिन आहे असा निष्कर्ष काढतात.

लोकमान्यांचा विरोध सुधारणा चर्चा करण्यासाठी भारतात येऊ घातलेल्या होते. माँटेग्यू- चेम्सफर्ड त्यांच्या बरोबरील चर्चेत जातीनिहाय मतदारसंघांस विरोध होता.

ब्राह्मणांनी ब्राह्मणेतरांना शिक्षणापासून वंचित ठेवले, हा मुद्दा खोडून काढतांना लोकमान्य टिळक आपल्या अग्रलेखात म्हणतात,

एकाने विद्या, तर दुसर्‍याने द्रव्य पसंत केले ! `प्रत्येक जातीने आपापले हित दक्षतेने पहाणे व त्याकरिता योग्य ती चळवळ करणे जरूर असले, तरी अखिल हिंदी जनतेचा `ब्राह्मण व ब्राह्मणेतर' असा स्थूल विभाग करून जे केवळ ब्राह्मणद्वेषाचे अवास्तविक स्वरूप या वादास देण्यात येत आहे, ते दुष्ट बुद्धीचे आहे. कायदे कौन्सिलातील सर्व जागा किंवा बहुतेक जागा आपणासच असाव्यात, असा हक्क ब्राह्मणांनी पूर्वी केव्हाही सांगितलेला नाही व पुढेही सांगू इच्छित नाहीत. त्यांच्या वाट्याला प्रत्यक्ष व्यवहारात लोकसंख्येच्या प्रमाणाबाहेर जागा पडत असल्या, तर ते त्यांच्या जातिमूलक आग्रहाचे फळ नसून त्यांच्या शिक्षणाचे फळ आहे, ही गोष्ट नाकबूल करणे म्हणजे निवळ आडरानांत शिरणे होय. ब्राह्मणांनी पूर्वी इतर जातींना शिक्षणाच्या बाबतीत मुद्दाम मागे टाकले किंवा दडपून ठेवले हा आरोप सर्वस्वी खोटा आहे. व्यावहारिक शिक्षण व त्याला लागणारी साक्षरता ही क्षत्रिय व वैश्य यांनाच काय, पण शूद्रांनाही खुली होती. पुराण, इतिहास वगैरे वाचण्याचा त्यांचा अधिकार कोणी कधीही काढून घेतला नव्हता. तात्पर्य, वेदाध्यापनाचा तेवढा अधिकार केवळ ब्राह्मणांसच असला, तरी ज्याला हल्ली आम्ही शिक्षण म्हणतो ते कोणत्याही वर्णाला सुलभ होते; म्हणून ब्राह्मणांनी ब्राह्मणेतरांना शिक्षणरहित ठेवले, या म्हणण्यास काहीच आधार नाही. असे असता शिक्षणाकडे इतर वर्णांनी द्यावे तितके लक्ष दिले नाही. याचे खरे कारण त्यांनी आपापल्या धंद्याकडे विशेष लक्ष दिले व शिक्षणाकडे दुर्लक्ष केले; कारण नुसत्या पुस्तकी कृति दिसण्याला त्या वेळी मान मुळीच नव्हता, हेच होय. आपापल्या धंद्याकडे लक्ष देण्यापासून इतर वर्णांचा आर्थिकदृष्ट्या फार फायदा झाला व ब्राह्मण भेटले की, ते निर्धन व ब्राह्मणेतर म्हटले की ते सधन असा जो सामान्य भेद दिसतो तो त्यामुळेच उत्पन्न झाला आहे. पण या स्थितीस अनुलक्षून `आम्हाला द्रव्योत्पादक धंदा इतर वर्णांनी करू दिला नाही', असे जर ब्राह्मण म्हणतील, तर ती जशी त्यांची चूक होईल तशीच `आम्हांला ब्राह्मणांनी सुशिक्षित होऊ दिले नाही', असे ब्राह्मणेतरांनी म्हणणे हीही चूकच आहे. एकाने द्रव्योत्पादक शिक्षण व द्रव्य पसंत केले. दुसर्‍याने पुस्तकी विद्या व निर्धनत्व पसंत केले, अशी केवळ आपखुषीने पूर्वी वाटणी झाली. याबद्दल परस्परदोष कोणासच लावता येणार नाही.'

शिक्षणविषयक सवलती सर्व प्रजेला समान असतांना ब्राह्मणेतर शिक्षणाकडे वळायला नाखूष असतात असा लोकमान्यांचा दृष्टीकोण होता.' पुस्तकी विद्या मिळवण्याच्या कामी ब्राह्मणेतर उदासीन' या अग्रलेखात ते म्हणतात, `ब्राह्मणेतरांत सुशिक्षित मिळतील, तर सरकार त्यांनाच आधी नेमील; पण शिक्षणविषयक सर्व सवलती समान असताही केवळ धंद्याच्या आवडीने ब्राह्मणेतर हे अद्यापि पुस्तकी शिक्षणाकडे वळावे तितके वळत नाहीत, याला कोणी काय करावे !' दुसर्‍या बाजूने न.चि.केळकरांच्या नेतृत्वाखालील केसरी सुधारकांवर टिकास्त्र धरून होता केसरीतील एका तत्कालीन सनातनी टिकेचे उदाहरणः

१९१७ ते २० च्या अवधीत ब्राह्मणेतर किंवा सत्यशोधकी धिंगाण्याने महाराष्ट्रात अनन्वितच धुमाकूळ घातला. ह्या धिंगाण्याला चळवळ हे नाव देऊन संबोधणे म्हणजे त्या शब्दाचा व त्या अभिधानाने ओळखावयाच्या इतर कार्याचा अपमान करण्यासारखे आहे. इतकी ही सत्यशोधकी वावटळीची हीन वळवळ होती.

तत्कालीन ब्राह्मण समाजाकडून ब्राहमणेतरांना हिन लेखले जाणे याच्या प्रतिक्रीयेत ब्राहमणेतर चळवळीच्या उत्तरकाळात ब्राहमणेतरांनी ब्राह्मणांना हिन लेखण्याची प्रक्रीय सुरू झाल्याचे आढळून येते

ब्राह्मणेतर चळवळीचे नेतृत्व आणि टप्पे

१९२० नंतर कोल्हापूर नरेश शाहूमहाराज यांच्या उदारमोकळ्या रूपाने ब्राह्मणेतर चळवळीला नेतृत्व मिळाले. त्याकाळात विठ्ठल रामजी शिंदे , डॉ. आंबेडकर यांनी अस्पृश्यताविरोधी मोहीम हाती घेतली होती

चळवळीचे यश

ब्राह्मण-ब्राह्मणेतर वादात निदान सामाजिक चळवळ, बौद्धिक व वैचारिक विचारांचे मंथन होते. त्यातून विविध समाज व जातिवर्गात नेतृत्व तयार होत गेले. त्यातून एक बौद्धिक बैठक तयार होत गेली. वेदकालापासून आजपर्यंतच्या समाजजीवनाची रहस्ये उलगडण्याचा, त्यातील विकृतींचा व अपप्रवृत्तींचा शोध घेण्याचा प्रयत्न होत राहिला. भाषा, संस्कृती, कला, साहित्य, संगीत या सर्व परंपरांची नवी मांडणी होत गेली. एका अर्थाने ही चळवळ सामाजिक व सांस्कृतिक आरोग्यासाठी पोषक ठरली.

जातिसंस्थांचे पुनरुज्जीवन

नव्या वर्गकलहात फक्त सत्तास्पर्धा व स्वत:च्या अस्तित्वाचे रखवालदार तयार होत आहेत. ‘व्होट बँक’ या एवढय़ाच निकषावर नेतृत्व तयार होत आहे. हा नवा वर्गकलह व सत्ताकलह ग्रामीण भागात खोलवर रुजत चालला आहे.

हेसुद्धा पाहा

• ब्राह्मण (जात)#ब्राह्मणांना आणखी किती झोडपणार?

स्रोत

• [१]