खंडाळा

खंडाळा हे महाराष्ट्रामधील एक पर्यटनस्थळ आहे व ते भारताच्या पश्चिम घाटात आहे. हे लोणावळ्यापासून सुमारे ३ किमी अंतरावर, खोपोलीपासून १२ किमी अंतरावर, तर कर्जतपासून सुमारे ३३.५ किमी इतक्या अंतरावर आहे.

ते भोर घाटाच्या वरच्या टोकास आहे तसेच मुंबई–पुणे द्रुतगतीमार्गावर आहे. हा घाट मुंबई व पुणे या दोन शहरांना जोडणारा एक महत्त्वाचा दुवा आहे.

सातारा जिल्ह्यातही एक खंडाळा आहे. तेथे त्या नावाचा तालुका आणि गावही आहे.