यशवंत चव्हाण

यशवंतराव चव्हाण याच्याशी गल्लत करू नका.

कॉम्रेड यशवंत चव्हाण (१९२१- २३ जानेवारी, २०१८) हे एक मराठी स्वातंत्र्यसैनिक आणि ज्येष्ठ कामगार नेते होते. त्यांनी स्वातंत्र्य चळवळीत सक्रिय सहभाग घेतला तेव्हा त्यांना भारतातील १९४२च्या चलेजावच्या चळवळीच्या समर्थनावरून भारतीय कम्युनिस्ट पक्षातून बाहेर पडावे लागले.

त्यानंतर चव्हाण यांनी नवजीवन संघटना, सेवा श्रमिक संघ, एनटीयूआय (न्यू ट्रेड युनियन इनिशिएटिव्ह) या कामगार संघटनांची स्थापना केली. लाल निशाण या पक्षाच्या संस्थापकांपैकी ते एक होते. गिरणी कामगार संपातही सहभाग असल्याने त्यांना तुरुंगवास भोगावा लागला.

त्यांनी स्थापलेला लाल निशाण पक्ष २०१७ साली १८ ऑगस्टला भारतीय कम्युनिस्ट पक्षामध्ये विलीन करण्यात आला.