"शशिकला" च्या विविध आवृत्यांमधील फरक

विकिपीडिया, मुक्‍त ज्ञानकोशातून
Content deleted Content added
(चर्चा | योगदान)
नवीन पान: शशिकला यांचा जन्म सोलापूरच्या जवळकर कुटुंबात इ.स.१९३३मध्ये झाला...
(काही फरक नाही)

०९:३०, २९ एप्रिल २०१५ ची आवृत्ती

शशिकला यांचा जन्म सोलापूरच्या जवळकर कुटुंबात इ.स.१९३३मध्ये झाला. लहानपणीच त्यांच्या कुटुंबाने शशिकलाची अभिनयाची आणि नृत्याची हौस पुरवली.

पुढे मुंबईला आल्यावर स्वतः जवळकर आणि मुलेही काम शोधू लागली. तशाही काळात लोकप्रिय गायिका-अभिनेत्री नूरजहाँ हिला भेटण्याची इच्छा शशिकला यांनी पूर्ण केली. एखाद्या परीकडे सिंड्रेलाने वर मागावा तसे, शशिकला यांनी नूरजहाँकडेच 'काम शोधते आहे' हेही सांगून टाकले.. आणि नूरजहाँचे पतीच दिग्दर्शित करीत असलेल्या चित्रपटात कव्वालीच्या सीनमध्ये शशिकलाबाईंना संधी मिळाली. अशाच लहान-मोठ्या दृश्यांत कामे करता-करता शशिकला यांना व्ही. शांताराम यांनी 'तीन बत्ती चार रास्ता'मध्ये बहुभाषक भावजयींपैकी मराठी भावजयीच्या भूमिकेची संधी दिली. हे पात्र शशिकला यांनी असे काही रंगवले की, १९५३ सालच्या या चित्रपटानंतर त्यांना खलनायिकेच्या भूमिका मिळू लागल्या. या खलभूमिकांची त्यांनी अल्पावधीत गाठलेली सर्वोच्च शिखरे म्हणजे 'आरती' (१९६२), 'गुमराह' (१९६३) आणि 'फूल और पत्थर' (१९६६).

समाजसेवा

शशिकलाबाईंनी १९८० च्या दशकात, मदर तेरेसांच्या ओढीने 'मिशनरीज ऑफ चॅरिटीज'मध्ये सेवा करण्यासाठी घरदारही सोडले. कुष्ठरुग्णांची सेवा, फरशा पुसणे अशी कोणतीही कामे त्या तेथे करीत होत्या.

शशिकला यांची भूमिका असलेले चित्रपट

  • आरती (१९६२ - मीनाकुमारीची भावजय 'जसवंती'ची भूमिका)
  • गुमराह (१९६३ - माला सिन्हाला ब्लॅकमेल करणारी 'मिस रॉबर्ट ऊर्फ लीला'ची खलनायिकी भूमिका)
  • तीन बत्ती चार रास्ता ( १९५३ - मराठी भावजयीची भूमिका)
  • फूल और पत्थर (१९६६)
  • महानंदा ( प्रेमापेक्षा व्यवहारच पाहणाऱ्या भावीण आईची भूमिका)
  • सुजाता (अल्लड धनिक मुलीची भूमिका)
==पुरस्कार==
  • आरती आणि गुमराहमधील भूमिकांसाठी 'फिल्मफेअर' पुरस्कार
  • केंद्र सरकारकडून पद्मश्री (इ.स. २००७)
  • 'पुणे आंतरराष्ट्रीय चित्रपट महोत्सवा'कडून जीवनगौरव पुरस्कार (२०१४)
* महाराष्ट्र राज्य सरकारतर्फे 'राज कपूर कारकीर्द-गौरव पुरस्कार(२०१५)