विकिपीडिया:विषयतज्ञांसोबत संपादन कार्यशाळा,शिवाजी विद्यापीठ,कोल्हापूर

पार्श्वभूमी[संपादन]

मराठी भाषा आणि महाराष्ट्राची संस्कृती यांचे संरक्षण, संगोपन आणि संवर्धन करण्याच्या हेतूने महाराष्ट्र शासनाने दिनांक १ मे १९९२ रोजी राज्य मराठी विकास संस्थेची स्थापना केली. शासनातर्फे दरवर्षी दि.१ ते १५ जानेवारी हा कालावधी मराठी भाषा संवर्धन पंधरवडा म्हणून साजरा केला जातो.२०१७ यावर्षी महाजालावरील सर्वात मोठा मुक्त ज्ञानकोश असणाऱ्या 'मराठी विकिपीडिया' मध्ये मराठीतून जास्तीतजास्त ज्ञान उपलब्ध करून देण्यासाठी संपादन कार्यशाळा योजल्या आहेत.यांचे स्वरूप 'विषयतज्ञांसोबत संपादन कार्यशाळा' असे असेल. प्रत्येक कार्यशाळेत साधारणतः ५० व्यक्ती सहभागी होतील. ज्ञानकोशीय नोंदींचे स्वरूप समजावून सांगणारा एक विषयतज्ज्ञ (कोणत्याही ज्ञानशाखेतील प्राध्यापक/ संशोधक इ.) आणि विकिपीडियावर नोंदी करण्याचा अनुभव असलेला एक सदस्य असे दोघे मिळून कार्यशाळा घेतील.