मुस्लिम सत्यशोधक मंडळ
मुस्लिम सत्यशोधक मंडळ ही महाराष्ट्रातील मुस्लिम समाजातील प्रबोधनासाठी काम करणारी संघटना आहे. ही संघटना हमीद दलवाई यांच्या पुढाकाराने मार्च २२, १९७० रोजी पुण्यात स्थापन झाली. मंडळाच्या जाहीरनाम्यात भारतातील हिंदू आणि मुसलमान समाजातील प्रबोधनाची दरी भरून काढून खऱ्या अर्थी ह्या दोन्ही समाजांचे संबंध सुधारणे, राष्टीय एकात्मता निर्माण होणे आणि भारतीय प्रजासत्ताकात मुस्लिम समाज राष्ट्रजीवनाचा एक सन्माननीय सदस्य नांदणे, स्त्री-पुरुष-समानता निर्माण होणे ह्या निकडींतून मंडळाची स्थापना करण्यात येत असल्याचे म्हणले आहे. [१].मुस्लिम सत्यशोधक मंडळ आपल्या वर्धापन दिनानिमित्त सामाजिक सलोखा आणि महिला सबलीकरणासाठी काम केलेल्या व्यक्तींचा पुरस्कार देऊन गौरव करते. २०१९चा पुरस्कार हा प्रख्यात सामाजिक कार्यकर्त्या डॉ झीनत शौकत अली आणि लोकप्रिय लेखक-कवी बशीर मोमीन (कवठेकर) यांना प्रदान करण्यात आला.[२]बशीर मोमीन कवठेकर यांनी आपल्या साहित्यातून हुंडाबंदी, स्त्रीभूण हत्या, निरक्षरता यासारखे ज्वलंत सामाजिक विषय हाताळले असून सामाजिक परिवर्तनासाठी ग्रामीण महाराष्ट्रात पथनाट्याद्वारे जनजागृतीचे महत्त्वपूर्ण कार्य केले आहे.[३][४][५][६][७]
- मुस्लिम महिलांवरील अन्यायाचे निर्मूलन करणे आणि त्यांना समान अधिकार मिळवून देणे. ह्यासाठी मुस्लिम व्यक्तिगत कायद्यात (मुस्लिम पर्सनल लॉ) ह्यात सुधारणेची किंवा भारतीय संविधानाच्या ४४व्या कलमानुसार समान नागरी कायद्याची आवश्यकता आहे.
- आपल्या स्थानिक भाषांत आधुनिक शिक्षण घेण्यासाठी समाजाला प्रवृत्त करणे व त्यासाठी साहाय्य करणे तसेच त्यांना शैक्षणिक आणि व्यवसायलक्ष्यी मार्गदर्शन पुरवणे
- समाजात सुधारणा घडवून आणण्यासाठी इहवाद अत्यावश्यक आहे. इहवादासमवेतच ही संस्था भारतीय संविधानातील मूल्यांचा पुरस्कार करते.
- कट्टरता, कालबाह्य रूढी अंधश्रद्धा आणि जातीयवाद ह्यांना विरोध करणे
- समाजाला कुटुंब-नियोजन, आरोग्य आणि इतर सामाजिक प्रश्नांबाबत शिक्षित करणे
- जातीय सलोखा आणि राष्ट्रीय एकात्मता जोपासण्यासाठी प्रयत्न करणे
- धार्मिक सणांना समाजलक्ष्यी कृतिकार्यक्रमांचा पर्याय देणे उदा. बकरी ईदच्या दिवशी रक्तदान-शिबिर घेणे
- सुधारक संघटनांच्या सोबतीने सामाजिक कृतिकार्यक्रमांचे आयोजन करणे
संदर्भनोंदी
[संपादन]- ^ जाहीरनामा.
- ^ "दारू पिऊन ‘तिहेरी तलाक’ उच्चारणे कसे काय चालते?"[१] Lokamt, Published on 23-March-2019
- ^ खंडूराज गायकवाड, लेखणीतून ग्रामीण लोककला संपन्न करणारे- बशीर मोमीन कवठेकर!, “दै नवाकाळ", 20-Jan-2019”
- ^ "बशीर मोमीन (कवठेकर)" Archived 2019-06-03 at the Wayback Machine., दै.महाराष्ट्र टाइम्स, 2-March-2019
- ^ अवलिया लोकसाहित्यिक "दै.सकाळ”, पुणे, 20-Nov-2021
- ^ वैजयंती सिन्नरकर, [शब्दगंध : लोककला - वग ], "दै. देशदूत, नाशिक, 22-Oct-2023"
- ^ ज्येष्ठ साहित्यिक बी. के. मोमीन कवठेकर काळाच्या पडद्याआड; साहित्य विश्वाला पन्नास वर्षांचे योगदान "दै.लोकमत”,पुणे, 12-Nov-2021
- ^ उद्दिष्टे.
संदर्भसूची
[संपादन]- "उद्दिष्टे". 2017-10-20 रोजी मूळ पान पासून संग्रहित. २८ नोव्हेंबर २०१७ रोजी पाहिले.
- "जाहीरनामा". २८ नोव्हेंबर २०१७ रोजी पाहिले.[permanent dead link]
- काझी, बी. टी. शिवाजी विद्यापीठाला सादर केलेल्या प्रबंधाची शोधगंगा ह्या संकेतस्थळावर उपलब्ध करून देण्यात आलेली संगणकीय प्रत ए स्टडी ऑफ मुस्लिम सत्यशोधक मंडळ ॲज ए सोशल रीफॉर्म मूव्हमेंट इन महाराष्ट्र Check
|दुवा=value (सहाय्य) (इंग्लिश भाषेत). २८ नोव्हेंबर २०१७ रोजी पाहिले.CS1 maint: unrecognized language (link)
बाह्य दुवे
[संपादन]- मुस्लिम सत्यशोधक मंडळाचे संकेतस्थळ Archived 2017-10-20 at the Wayback Machine.