बेबी कांबळे

विकिपीडिया, मुक्‍त ज्ञानकोशातून
Jump to navigation Jump to search
बेबी कांबळे
जन्म इ.स. १९२९
वीरगाव, तालुका पुरंदर पुणे, महाराष्ट्र, भारत
मृत्यू २१ एप्रिल २०१२
फलटण
राष्ट्रीयत्व भारत भारतीय
कार्यक्षेत्र साहित्य
भाषा मराठी
साहित्य प्रकार आत्मचरित्र

बेबी कांबळे (माहेरच्या काकडे) (जन्म : वीरगाव-पुरंदर, इ.स. १९२९; मृत्यू : फलटण, २१ एप्रिल २०१२) या दलित कार्यकर्त्या व लेखिका होत्या. त्यांच्यावर बाबासाहेब आंबेडकर यांचा प्रभाव होता. मराठीमध्ये आत्मचरित्र लिहिणाऱ्या त्या पहिल्या दलित महिला आहेत.[१][२][३]

बालपण[संपादन]

बेबीताई यांचे बालपण आजोळी गेले. बेबीताईंचे आजोबा इंग्रजांचे बटलर होते; वडील पंढरीनाथ हे ठेकेदार होते.

शिक्षण[संपादन]

बेबीताई यांचे शिक्षण फलटण येथे झाले.

कौटुंबिक माहिती[संपादन]

वयाच्या तेराव्या वर्षी त्यांचा कोंडिबा कांबळे यांच्याशी विवाह झाला. विवाहानंतर त्यांनी आपल्या मुलांनाही शिक्षण दिले.

कारकीर्द[संपादन]

बेबी कांबळे यांचे ‘जिणं आमुचं’ हे आत्मचरित्र आहे. पश्चिम महाराष्ट्रातल्या एका खेडेगावातल्या महार समाजाचे चित्र हा पुस्तकाचा खरा गाभा आहे.[४]

दलित स्त्रीचे मराठीतले पहिले आत्मचरित्र म्हणून बेबीताईंच्या पुस्तकाला ऐतिहासिक महत्त्व आहे. त्यांच्या या पुस्तकाला महाराष्ट्र राज्य साहित्य संस्कृती मंडळाचे अनुदान लाभले आहे. 'प्रिझन्स वुई ब्रोक' या नावाने या पुस्तकाचा इंग्रजी अनुवादही प्रकाशित झाला आहे.[५]


पुरस्कार व सन्मान[संपादन]

संदर्भ आणि नोंदी[संपादन]

  1. ^ "बेबीताई कांबळे". Maharashtra Times. 2020-03-06 रोजी पाहिले.
  2. ^ Rege, Sharmila (2006). Writing Caste, Writing Gender: Reading Dalit Women's Testimonios (इंग्रजी भाषेत). Zubaan. ISBN 978-81-89013-01-1.
  3. ^ Tharu, Susie J.; Lalita, Ke (1991). Women Writing in India: The twentieth century (इंग्रजी भाषेत). Feminist Press at CUNY. ISBN 978-1-55861-029-3.
  4. ^ kuffir. "It is the woman who is the real doer: Baby Kamble". Round Table India (इंग्रजी भाषेत). 2020-03-06 रोजी पाहिले.
  5. ^ Saxena, Mini. "Babytai Kamble: Chronicler Of Dalit Women's Lives | #IndianWomenInHistory". Feminism In India (इंग्रजी भाषेत). 2020-03-06 रोजी पाहिले.