पुणे पुस्तक महोत्सव

दर्शनीय भागातील कलारचना

पुणे पुस्तक महोत्सव हा एक सामाजिक आणि सांस्कृतिक उपक्रम आहे . वाचन संस्कृती जोपासली जावी यासाठी सुरू केलेली ही एक चळवळ आहे असे मानले जाते .

कोठे

राष्ट्रीय पुस्तक न्यास यांच्या माध्यमातून पुणे शहरातील फर्ग्युसन महाविद्यालय पटांगणात या महोत्सवाचे आयोजन केले जाते .

स्वरूप

मराठी भाषा विभाग दालन

२ ० २ ३ साली पुणे शहरात या महोत्सवाचे आयोजन प्रथम करण्यात आले .विविध प्रकाशन संस्था येथे आपापल्या प्रकाशनांची पुस्तके सवलतीच्या दरात वाचकांसाठी उपलब्ध करून देतात . वाचन , लेखन , संगीत , नाट्य , काव्य अशा विविध साहित्य प्रकारांवर आधारित उपक्रमांचे आयोजन येथे केले जाते . विविध विषयां वर आधारित परिसंवाद आयोजित केले जातात . शाळा , महाविद्यालये येथील विद्यार्थी - विद्यार्थिनी यातील उप्रक्रमात आपले योगदान देतात . लहान मुलांसाठी विशेषत्वाने विविध उपक्रमांचे , स्पर्धाचे आयोजन या निमित्ताने केले जाते .

पुस्तक विक्री दालन १

वाचनाचा तास

पुणे पुस्तक महोत्सवाचा भाग म्हणून पुण्यातील नागरिकांना एक तास सलग वाचन करण्यासाठी प्रोत्साहन देण्यात येते . एक विशिष्ट वेळ नेमून देऊन त्या एका तासात वाचकांनी आपल्या आवडीचे पुस्तक वैयक्तिक स्वरूपात वा सामूहिक ठिकाणी एकत्रित येऊन करावे असे आवाहन केले जाते . या उपक्रमाला नागरिकांचा प्रतिसाद मिळतो .

गिनीज वर्ल्ड रेकॉर्ड

२ ० २ ४ साली १ ३ डिसेंबर या दिवशी पुस्तकांचा वापर करून सुमारे १ ५ फूट आकाराच्या सरस्वतीच्या प्रतीकाचे चिहन साकारण्यात आले आहे . यासाठी ४ ,० ० ० हुन अधिक पुस्तकांचा वापर करण्यात आला. या उपक्रमाची नोंद विश्वविक्रम म्ह्णून दाखल करण्यात आली आहे.

चित्रदालन

• 
  अहिल्याबाई होळकर चरित्र प्रदर्शनी
• 
  दर्शनीय भाग
• 
  कलाकृती १
• 
  कलाकृती २
• 
  शिल्प 2
• 
  पुस्तक स्टाॅलवरील कलाकृती
• 
  दर्शनीय सजावट
• 
  पुस्तक महोत्सवाचा आनंद घेणारे नागरिक