पांढऱ्या भुवईचा बुलबुल

विकिपीडिया, मुक्‍त ज्ञानकोशातून
Jump to navigation Jump to search
पांढऱ्या भुवईचा बुलबुल, खर बुलबुल
White-browed Bulbul (Pycnonotus luteolus) drinking water W IMG 7781.jpg
शास्त्रीय नाव Pycnonotus luteolus
कुळ वल्गुवदाद्य (Pycnonotidae)
अन्य भाषांतील नावे
इंग्लिश White-browed Bulbul
संस्कृत सितभ्रू गोवत्सक

आकार[संपादन]

पांढऱ्या भुवईचा बुलबुल हा साधारण २० सें. मी. (८ इं) आकाराचा पक्षी आहे.

आवाज[संपादन]

PycnonotusLuteolus.ogg या बुलबुलचा आवाज ऐका

शरिररचना[संपादन]

हा डोक्यावर तुरा नसलेला, फिकट हिरव्या रंगाचा पक्षी आहे. याचे कपाळ आणि भुवया पांढऱ्या असतात. भुवईच्या पांढऱ्या रंगावरून हे बुलबुल ओळखता येतात. नर आणि मादी दिसायला सारखेच असतात.

वास्तव्य[संपादन]

पांढऱ्या भुवईचा बुलबुल भारतीय द्वीपकल्पात सर्वत्र आढळणारा स्थानिक निवासी पक्षी आहे तसेच श्रीलंका देशातही याचे वास्तव्य आहे. हे बुलबुल झुडपी विरळ जंगलात, बागेत, शुष्क पानगळीच्या जंगलात राहतात.

प्रजाती[संपादन]

याच्या रंग आणि आकारावरून किमान २ उपजाती आहेत. भारतीय अपजातीच्या मानाने श्रीलंका येथील उपजात थोडी लहान आणि जास्त गडद असते.

खाद्य[संपादन]

विविध कीटक, फळे, दाणे, मध हे बुलबुलचे मुख्य खाद्य आहे. बुलबुल विविध प्रकारची फळे खाणारे पक्षी असल्याने झाडांच्या बिया दूर अंतरावर पसरविण्यास यांचा मोठा सहभाग आहे.

प्रजनन[संपादन]

मार्च ते सप्टेंबर हा कालावधी या बुलबुलचा विणीचा काळ असून जमिनीपासून २ मी. उंच झाडावर यांचे गवताचे, खोलगट घरटे असते. सहसा घरटे बांबूच्या रांजीत असते. मादी एकावेळी २-३ फिकट गुलाबी रंगाची त्यावर तपकिरी ठिपके असलेली अंडी देते. यांच्या अंड्यांवरील तपकिरी ठिपके लाल बुडाचा बुलबुल च्या अंड्यांवरील ठिपक्यांपेक्षा फिकट असतात. नर-मादी पिलांचे संगोपन करण्यापासून सर्व कामे मिळून करतात.

चित्रदालन[संपादन]



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.