जय भीम (चित्रपट)

विकिपीडिया, मुक्‍त ज्ञानकोशातून
जय भीम
दिग्दर्शन टी. जे. ज्ञानवेल
निर्मिती

ज्योतिका

सुर्या
प्रमुख कलाकार

सुर्या लिजोमोल जोस मणिकंदन राजीषा विजयन प्रकाश राज

राव रमेश
संकलन फिलोमिन राज
छाया एस. आर. कथिर
संगीत Sean Roldan
देश भारत
भाषा तमिळ
प्रदर्शित २ नोव्हेंबर २०२१
वितरक Amazon Prime Video



जय भीम (अर्थ: भीमचा विजय; जो घोषणेच्या संदर्भात आहे) हा भारतीय तमिळ चित्रपट आहे. चित्रपटाचे दिग्दर्शन टीजे ज्ञानवेल यांनी केले तर ज्योतिका आणि सूर्या सिवकुमार यांनी २डी एंटरटेनमेंट अंतर्गत निर्मिती केली. चित्रपटात सूर्या, लिजोमोल जोस, के. मणिकंदन, राजिशा विजयन, प्रकाश राज, राव रमेश हे प्रमुख भूमिकेत आहेत.

हा चित्रपट १९९३ मधील एका सत्य घटनेवर आधारित आहे, ज्यामध्ये न्यायमूर्ती के. चंद्रू यांनी लढलेल्या एका खटल्याचा समावेश आहे.[१] हा खटला इरूलर नावाच्या आदीवासी जमातीतील एक जोडपे संगनी आणि राजकन्नू यांच्याशी संबंधित आहे.[२] राजकन्नूला तमिळनाडू पोलीस अटक करतात, आणि नंतर तो पोलीस ठाण्यातून बेपत्ता होतो. संगनी आपल्या पतीसाठी न्याय मिळवण्यासाठी चंद्रू या वकिलाची मदत घेते. मद्रास उच्च न्यायालयात चंद्रू हेबियस कॉर्पस खटला दाखल करतो आणि सत्य शोधण्यासाठी हा खटला पुढे चालू ठेवण्यासाठी तो राजन केसचा संदर्भ देतो.

एप्रिल २०२१ मध्ये अधिकृत घोषणेनंतर, चित्रपटाने त्या महिन्यात मुख्य फोटोग्राफी सुरू केली. चेन्नई आणि कोडाईकनालमध्ये अनेक सीक्वेन्स चित्रित केले गेले. कोविड-१९ महामारीमुळे काम थांबवण्यात आले आणि जुलै २०२१ मध्ये चित्रीकरण पुन्हा सुरू झाले. ते सप्टेंबरमध्ये पूर्ण झाले. चित्रपटाचे छायांकन आणि संपादन अनुक्रमे एस.आर. कथिर आणि फिलोमिन राज यांनी केले. संगीत आणि चित्रपटाचा स्कोअर सीन रोल्डन यांनी दिला आहे. चित्रपटाचे शीर्षक बाबासाहेब आंबेडकरांचे अनुयायी वापरत असलेल्या घोषणेवर आधारित आहे.

हा चित्रपट २डी एंटरटेनमेंटने मल्टी-फिल्म डीलचा भाग म्हणून, २ नोव्हेंबर २०२१ रोजी, दिवाळीच्या आधी ॲमेझॉन प्राइम व्हिडिओवर रिलीज केला. चित्रपटाला समीक्षकांकडून भरपूर प्रमाणात प्रशंसा मिळाली. चित्रपटाची कथा, अभिनय, दिग्दर्शन आणि सामाजिक संदेश यांची खूप प्रशंसा झाली. हा चित्रपट सध्या IMDb वर 9.4/10 गुणांसह सर्वाधिक रेट केलेला चित्रपट आहे, तसेच हा जागतिक विक्रम गाजवणारा हा पहिलाच भारतीय चित्रपट ठरला आहे.

संदर्भ[संपादन]

  1. ^ "सूर्या की फ़िल्म 'जय भीम' किस घटना और किस शख़्स पर बनी है?". BBC News (हिंदी भाषेत). Archived from the original on 7 November 2021. 7 November 2021 रोजी पाहिले.
  2. ^ "Meet Justice K Chandru, the inspiration behind Suriya's 'Jai Bhim'". The Hindu. Archived from the original on 4 November 2021. 4 November 2021 रोजी पाहिले.

बाह्य दुवे[संपादन]