भूशिर

केप ऑफ गुड होप या भूशिराचे केप पॉइंट या ठिकाणाहून दिसणारे दृश्य (इ.स. २००८)

भूशिर म्हणजे समुद्रात किंवा सरोवरात घुसलेले जमिनीचे निमुळत्या टोकासारखे दिसणारे भूरूप होय. भूशिराप्रमाणेच द्वीपकल्पाच्याही ठायी तीन बाजूंस पाण्याने वेढलेले, निमुळते होत जाणारे जमिनीचे भूरूप असते. मात्र अशा भूरूपाचा विस्तार विशाल असला, तरच त्यास द्वीपकल्प ही संज्ञा वापरतात; तर स्थानिक व्याप्तीच्या, छोट्या विस्ताराच्या अशा भूरूपांस भूशिर या संज्ञेने उल्लेखले जाते.

आफ्रिका खंडाच्या दक्षिण टोकास वसलेले केप ऑफ गुड होप हे भूशिर, तसेच जिब्राल्टर सामुद्रधुनीच्या उत्तरेकडील व दक्षिणेकडील टोकांस असलेली दोन भूशिरे इत्यादी भूशिरे प्रसिद्ध आहेत.

संदर्भ व नोंदी

विकिमीडिया कॉमन्सवर

भूशिर

संबंधित संचिका आहेत