फ्लोरेन्सचे प्रजासत्ताक

विकिपीडिया, मुक्‍त ज्ञानकोशातून
फ्लोरेन्सचे प्रजासत्ताक
Repubblica Fiorentina
(रेपुब्लिका फ्योरेंतिना)

इ.स. १११५इ.स. १५३२ Medici Flag of Tuscany.png
Flag of Florence.svg FlorenceCoA.svg
ध्वज चिन्ह
RepublicofFlorence1494.png
राजधानी फ्लोरेन्स
शासनप्रकार प्रजासत्ताक
अधिकृत भाषा तोस्काना, लॅटिन
राष्ट्रीय चलन फ्लोरिन (इ.स. १२५२ - इ.स. १५३३)

फ्लोरेन्सचे प्रजासत्ताक (मराठी नामभेद: फ्लोरेन्साचे प्रजासत्ताक, फ्लोरेंटाइन प्रजासत्ताक ; इटालियन: Repubblica Fiorentina, रिपब्लिका फ्योरेंतिना ;) हे इटलीच्या टस्कनी प्रदेशातील फ्लोरेन्स शहरात राजधानी असलेले प्रजासत्ताक राज्य होते. हे प्रजासत्ताक इ.स. १११५मध्ये स्थापन झाले. त्यावर्षी टस्कनीची राज्यकर्ती मटिल्डाचा मृत्यू झाल्यावर फ्लोरेन्समधील जनतेने तेथील मार्ग्रेव्हची हुकुमत झुगारुन देउन प्रजासत्ताक राज्यव्यवस्था सुरू केली.[१]

दर दोन वर्षांनी फ्लोरेन्समधील व्यक्ती एका नाममात्र राजाची (गोनाफॅलोनियेरे) निवड करीत. हा राज मग एका समितीची (सिग्नोरिया) स्थापना करून त्यावर फ्लोरेन्सच्या लोकांमधून नागरिकांची नेमणूक करीत असे. ही समिती रोजचा राज्यकारभार पहात असे. इ.स. १४३४मध्ये कोसिमो दे मेदिचीने या समितीवर नियंत्रण मिळवले. यानंतर इ.स. १९४९पर्यंत या कुटुंबाच्या व्यक्तींनी या समितीद्वारे फ्लोरेन्सवर शासन केले. इ.स. १५१२मध्ये जियोव्हानी दे मेदिचीने (नंतरचा पोप लिओ दहावा) परत समितीवर ताबा मिळवला. लीग ऑफ कॉन्याकच्या युद्धा दरम्यान इ.स. १५२७मध्ये मेदिची कुटंबाची सत्ता फ्लोरेन्सवरुन निसटली पण नंतर अकरा महिने शहराला वेढा घालून इ.स. १५३१मध्ये मेदिची कुटुंब परत सत्तेवर आले.

आता नाममात्र प्रजासत्ताक राहिलेल्या या राज्याच्या शासक अलेस्सांद्रो दे मेदिचीला पोप क्लेमेंट सातव्याने फ्लोरेन्सच्या प्रजासत्ताकचा ड्यूक असा खिताब देउन मेदिचींना तेथील वंशपारंपारिक राजेपद बहाल केले. इ.स. १५३२मध्ये ४२० वर्षांनंतर या प्रजासत्ताकाचे राज्यात रुपांतर झाले.[२]


Wiki letter w.svg
कृपया या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.

संदर्भ आणि नोंदी[संपादन]

  1. फ्लोरेन्सचा इतिहास. अब्सोल्यूट फ्लोरेन्स.कॉम. 2009-05-26 रोजी पाहिले. (इंग्लिश मजकूर)
  2. स्ट्रेथर्न, पॉल. मेदिची: "गॉडफादर्स ऑफ द रेनेसाँ". विंटेज पब्लिशर्स, पृ. ३२१. (इंग्लिश मजकूर)