पुरातत्त्वीय उत्खनन
विकिपीडिया, मुक्त ज्ञानकोशातून
हा लेख उत्खनन नावाची पुरातत्त्वीय प्रक्रिया याबद्दल आहे. या शब्दाच्या इतर उपयोगांसाठी पाहा, उत्खनन (निःसंदिग्धीकरण).
पुरातत्त्वीय उत्खनन (इंग्लिश: Excavation, एक्सकवेशन ;) म्हणजे पुरावशेष उकरून काढून, जतन करून ठेवण्याची पुरातत्त्वशास्त्रीय प्रक्रिया असते. हा शब्द पुरातत्त्वशास्त्राशी निगडित असून उत्खनन हे त्याचे महत्त्वाचे साधन आहे. पुरातत्त्वीय उत्खननाचा मुख्य भर भौतिक साधनांवर असून मानवाच्या तंत्रज्ञानाचा विकास कसा होत गेला हे शोधून काढण्यावर असतो. जमिनीखालील अवशेष उजेडात आणून त्याद्वारे इतिहासाची नव्याने मांडणी करण्यासाठी उत्खनने केली जातात.
मातीच्या स्तरांचे महत्त्व [संपादन]
हवामानात सततच्या होत असलेल्या बदलांमुळे साठत जाणारे मातीचे स्तर विशिष्ट रंगवैशिष्ट्ये धारण करतात. त्यामुळे एकावर एक असे वेगवेगळे स्तर तयार होतात. सर्वात खालचा स्तर हा सर्वात आधी बनलेला असल्यामुळे तो सर्वाधिक प्राचीन तर सर्वात वरचा स्तर सर्वात शेवटी बनलेला असल्याने सर्वाधिक अर्वाचीन असतो.
बाह्य दुवे [संपादन]
विकिमीडिया कॉमन्सवर
संबंधित संचिका आहेत
- खंदणे व उत्खनन ("ट्रेंचिंग अँड एक्सकवेशन). "सेंटर फॉर डीसीझ कंट्रोल अँड प्रिवेन्शन". (इंग्लिश मजकूर)
