गोवर्धन परिक्रमा

गोवर्धन परिक्रमा म्हणजे उत्तर प्रदेशात असलेल्या मथुरा शहराजवळच्या गोवर्धन पर्वतास प्रदक्षिणा घालणे होय. या पर्वतास कृष्णाने आपल्या करंगळीवर उचलला होता अशी आख्यायिका आहे. त्याने हा पर्वत उचलून त्याखाली गोकुळातील प्रजाजनांना आश्रय दिला व मुसळधार पावसापासून त्यांना आठवड्यापर्यंतच्या काळासाठी वाचविले होते. असे केल्याने पाऊस पाडणाऱ्या इंद्राचा तेव्हा गर्व उतरला होता.

मथुरा व वृंदावन या प्रदेशास व्रजभूमी असेही नाव आहे.

यमुना नदी व गोवर्धन पर्वत यामुळे तेथील लोकांचे जीवन समृद्ध झाले आहे अशी त्या परिसरातील लोकांची श्रद्धा आहे. त्यांना समृद्ध करणाऱ्या गोवर्धन पर्वतास परिक्रमा करून तेथील लोक त्याचे आभार मानतात.

परिक्रमेचे तीन प्रकार

• १. चौऱ्यांशी कोसी परिक्रमा
• २. गोवर्धन पर्वताची पायी परिक्रमा(सुमारे २१ कि.मी.)
• ३. वृंदावन परिक्रमा (सुमारे ११ कि.मी)