हणमंत गायकवाड

विकिपीडिया, मुक्‍त ज्ञानकोशातून
Jump to navigation Jump to search


Info talk.png
हा लेख/हे पान अवर्गीकृत आहे.
कृपया या लेखाचे/पानाचे वर्गीकरण करण्यास मदत करा जेणेकरून हा लेख/हे पान संबंधित विषयाच्या सूचीमध्ये समाविष्ट होईल. वर्गीकरणानंतर हा संदेश काढून टाकावा अशी विनंती करण्यात येते.


फुगेचाळ ते बीव्हीजी ग्रुपचा अध्यक्ष हणमंत गायकवाड, (अध्यक्ष, बीव्हीजी ग्रुप)

बालपण[संपादन]

सातारा जिल्ह्यातील कोरेगाव येथे जन्म झाला. घरची परिस्थिती बेताची. मात्र, शाळेत हुशार होतो. त्यामुळे वडिलांनी पुढील शिक्षणासाठी पुण्यात आणण्याचे ठरविले. फुगेवाडीतील रामचंद्र गणपत फुगे यांच्या चाळीतील दहा बाय दहाच्या खोलीत त्यांचे मोठे कुटुंब राहत होते. चार माणसे एकत्र जेवायला बसू शकत नव्हती, अशी ती खोली होती. तेथून रोज मॉडर्न हायस्कूलमध्ये बसने प्रवास सुरू झाला. बसच्या भाड्यासाठी रोजचा एक रुपया मिळणेही अवघड होते. वडील आजारी असायचे. आई शिवणकाम करून घराचा खर्च भागवायची.

शिक्षण[संपादन]

दहावीत ८८ टक्के मार्क पडले. पुढे गव्हर्नमेंट पॉलिटेक्निककमधून इलेक्ट्रॉ निक्स मध्ये डिप्लोमाचा अभ्यासक्रम पूर्ण केला. डिप्लोमाच्या दुसऱ्या वर्षात असतानाच वडिलांचे निधन झाले.डिप्लोमा पूर्ण झाल्यानंतर फिलिप्स कंपनीत काही काळ नोकरी करीत होते. पण तेथे रमत नव्हते. मी आयएएस अधिकारी व्हावे, अशी वडिलांची इच्छा होती. त्यांचे स्वप्न पूर्ण करण्याचे ठरविले. त्यासाठी पदवी असणे आवश्य,क होते. हनमंत गायकवाड यांचा डिप्लोमाच पूर्ण झालेला होता. पदवी घेण्यासाठी इंजिनिअरिंग कॉलेजला जाणे आवश्य क होते. फी भरण्यासाठी पुरेसे पैसे नव्हते. आईने त्यासाठी बँकेतून १५ हजार रुपयांचे कर्ज काढले आणि विश्वाकर्मा इन्स्टिट्यूटमध्ये मी बी.टेकसाठी प्रवेश घेतला. आईवर किती भार टाकायचा म्हणून, डिप्लोमाच्या विद्यार्थ्यांसाठी क्लाॅसेस घेण्यास सुरवात केली. तेथे स्वकमाई सुरू झाली. घरची आर्थिक परिस्थिती बदलण्यासाठी झगडू लागलो. नवीन कल्पना लढवू लागले. मात्र या कल्पनाच माझे पुढचे आयुष्य बदलविणाऱ्या ठरल्या. त्यातून आजचा हणमंत गायकवाड घडत गेला. नवी कल्पना, नवे धाडस यासाठी चांगले सहकारी मिळत गेले. फुगेवाडीच्या चाळीतून सुरू झालेल्या जीवन प्रवासाने गती पकडली आणि "बीव्हीजी'च्या छोट्याशा लावलेल्या रोपाचा वेल वाढू लागला. आयएएसचे स्वप्न मागे पडले आणि एक उद्योजक घडू लागला.

भारत विकास ग्रुप इंडिया लिमिटेड चे संस्थापक अध्यक्ष[संपादन]

हणमंत गायकवाड यांनी स्थापन केलेल्या बीव्हीजी कंपनीचे नाव सध्या विविध क्षेत्रांत अग्रेसर आहे. स्वच्छता राखण्याच्या कामापासून ते साखर कारखाना चालविणे आणि औषध उत्पादक होणे, अशा अनेक क्षेत्रांत "बीव्हीजी'ने आपले नाव राखले आहे.

सुमारे पाचशे कोटी रुपयांच्या उलाढालीपर्यंत कंपनीने झेप घेतली आहे. हा प्रवास सहजसोपा नव्हता, मात्र तो अशक्यलही नव्हता. "पेशन्स' आणि "क्रेडिबिलिटी' हेच दोन परवलीचे शब्द मानले. सहकाऱ्यांतही तेच बीज पेरले आणि यशाची नवीन शिखरे आपोआप सर होत गेली.[१] साफसफाईचं काम हलक्या दर्जाचं काम म्हणून ओळखले जाते . पण, पुण्यातल्या हणमंत गायकवाड या उद्योजकाणे याच कामाचा वापर करून बीव्हीजी इंडिया, या कंपनीची स्थापना केली. आज ही कंपनी राष्ट्रपती भवन, संसद भवन, दिल्ली हाय कोर्ट अशा महत्त्वाच्या ठिकाणांची क्लिनिंगग आणि मेंटनन्सची कामे करते. या मराठी माणसाने अत्यंत प्रतिकूल परिस्थितीत बी.व्ही.जी. इंडीया कंपनी स्थापन केली. आज या कंपनीनं क्लिनींग आणि मेंटनन्सच्या क्षेत्रात जगभरात नाव कमावलंय. कंपनींचा टर्नओव्हर सध्या वर्षाला दोनशे कोटी रुपये आहे. "आम्ही पहिल्यापासूनच गुणवत्तेला प्राधान्य दिलं. त्यामुळेच आमचे काम लोकांना आवडलं आणि प्रतिसाद मिळत गेला" असं हणमंत गायकवाड यांनी सांगितलं.बी.व्ही.जी कंपनीची कारर्कीद संपुर्ण जगभरात पसरलीय .भारतात एकवीस तर लंडन आणि सिंगापूर मध्ये दोन शाखा उघडण्यात आल्या. या कंपनीनं सिव्हील इंजिनीअरींग, लँडस्केप डिझायनींग ॲ्न्ड गार्डनिंग अशा क्षेत्रातदेखील क्लिनींग आणि मेंटनन्सची कामे करण्यास सुरवात केली आहे.बीव्हीजी इंडिया कंपनीनं आता परदेशातही काम मिळवण्याचे प्रयत्न सुरू केलेत. येत्या दहा वर्षांत दहा वर्षात दहा हजार कोटी रुपयांच्या उलाढालीचे उद्दिष्ट ठेवण्यात आले आहे[२]

संदर्भ[संपादन]