सेबु पॅसिफिक
सेबु पॅसिफिक एर
.jpg)
| स्थापना | २६ ऑगस्ट 1988  |
|---|---|
| कार्यक्षेत्र | low-cost airline |
| संस्थापक | John Gokongwei |
| देश | फिलिपाईन्स |
| Airline alliance | Value Alliance |
| Child organization or unit | Cebgo |
| मुख्यालयाचे स्थान | सेबु शहर |
| स्टॉक एक्स्चेंज | OTC Markets Group |
| अधिकृत संकेतस्थळ | https://cebupacific.vn |
| Item operated | एअरबस ए३२०, Airbus A320neo family, एअरबस ए३३०, ए.टी.आर. ७२ |
| Uses | AMOS |
| Airline accounting code | 203 |
| IATA airline designator | 5J |
| ICAO airline designator | CEB |
सेबु पॅसिफिक एर, सेबु पॅसिफिक, तथा सेबु एर, इंक ही फिलिपिन्समधील विमानवाहतूक कंपनी आहे. मनिलामध्ये मुख्यालय असलेल्या या कंपनीचा मुख्य तळ निनॉय ॲक्विनो आंतरराष्ट्रीय विमानतळ येथे असून इतर तळ माक्तान-सेबु आंतरराष्ट्रीय विमानतळ, क्लार्क आंतरराष्ट्रीय विमानतळ, फ्रांसिस्को बँगोय आंतरराष्ट्रीय विमानतळ आणि इलोइलो आंतरराष्ट्रीय विमानतळ येथे आहेत.
१९८८ मध्ये स्थापन झालेली ही कंपनी आशियातील पहिली किफायतशीर विमानसेवा असून ताफ्याच्या आकारानुसार फिलिपिन्समधील सर्वात मोठी विमान कंपनी आहे.[१] ही कंपनी देशांतर्गत आणि आंतरराष्ट्रीय अशा दोन्ही ठिकाणांसाठी नियोजित विमान सेवा पुरवते.
आपल्या धंदा करण्याच्या किफायतशीर पद्धतीमुळे आणि विस्तृत गंतव्यस्थान जाळ्यामुळे २०१० मध्ये देशांतर्गत आणि आंतरराष्ट्रीय मार्गांवर प्रवास करणाऱ्या प्रवाशांच्या संख्येनुसार सेबू पॅसिफिक ही प्रतिस्पर्धी कंपनी फिलिपिन्स एरलाइन्सला मागे टाकत फिलिपिन्समधील सर्वात मोठी विमान कंपनी झाली. नागरी विमान वाहतूक मंडळाच्या आकडेवारीनुसार २०१० च्या पहिल्या तिमाहीत सेबू पॅसिफिकने एकूण २४.४५ लाख प्रवाशांना सेवा दिली. याच कालावधीत फिलिपिन्स एरलाइन्सने २३.३४ लाख प्रवाशांची वाहतूक केली होती.[२][३]
 | हा लेख/विभाग स्वत:च्या शब्दात विस्तार करण्यास मदत करा. |
विमान ताफा
[संपादन]२०२५ पर्यंतच्या सुमारास सेबु पॅसिफिक फक्त एरबसची विमाने वापरते.[४][५]
| विमान | सेवेत | मागण्या | प्रवासी संख्या [६] | नोंदी |
|---|---|---|---|---|
| एरबस ए३२०-२०० | १५ | — | १८० | आरपी-सी४१५६ आणि आरपी-सी४२६८ वर विशेष सजावट आहे. |
| एरबस ए३२० निओ | २४ | ५ | १८८ | |
| १९४ | ||||
| एरबस ए३२१-२०० | ७ | — | २३० [७] | |
| एरबस ए३२१ निओ | २० | ८३ | २३६ [८] | ऑक्टोबर २०२४ मध्ये ए३२० निओ परिवारासाठी ७० अतिरिक्त विमानांची मागणी नोंदवण्यात आली आहे. [९] |
| एरबस ए३३०-९०० | १४ | २ | ४५९ | यामध्ये आरपी-सी३९०६ या प्रायोगिक विमानाचा समावेश आहे. |
| एकूण | ८० | ९० | ||
निवृत्त विमान ताफा
[संपादन]
| विमान | एकूण | समावेश | निवृत्त | पर्याय | नोंदी | संदर्भ |
|---|---|---|---|---|---|---|
| एरबस ए३१९-१०० | १० | २००५ | २०१८ | एरबस ए३२० निओ परिवार | अलेजियंट एरला विकले. | [१०] |
| एरबस ए३३०-३०० | ८ | २०१३ | २०२४ | एरबस ए३३०-९०० | विविध विमान कंपन्यांना विकले. | |
| एटीआर ७२-५०० | ६ | २००८ | २०१५ | लागू नाही | सेबगो कडे वर्ग केले. | |
| बोईंग ७५७-२०० | ३ | २००० | २००६ | एरबस ए३२०-२०० | — | [११] |
| मॅकडोनेल डग्लस डीसी-९-३२ | १९ | १९९६ | २००५ | एरबस ए३१९ | सेबु पॅसिफिक फ्लाइट ३८७ चालवत असताना यातील एक विमान कोसळले. | [११] |
अपघात आणि दुर्घटना
[संपादन]- २ फेब्रुवारी, १९९८: सेबु पॅसिफिक फ्लाइट ३८७ चालविणारे मॅकडोनेल डग्लस डीसी-९-३० प्रकारचे विमान (नोंदणी क्र. आरपी-सी१५०७) मनिलाहून कागायन डी ओरो कडे जात असताना मिसामिस ओरिएंटलमधील सुमागया पर्वतावर कोसळले. लुम्बिया विमानतळावर उतरत असताना झालेल्या या अपघातात विमानातील सर्व १०४ लोकांचा मृत्यू झाला. [१२]
- १८ जुलै, २०१०: सेबु पॅसिफिक फ्लाइट ५०९ चालविणारे तुगुएगाराव विमानतळाहून निघालेले एटीआर ७२-५०० प्रकारचे विमान (नोंदणी क्र. आरपी-सी७२५४) मनिला येथे उतरताना धावपट्टीवर आदळले. वैमानिकांनी विमान पुन्हा हवेत घेतले (गो-अराऊंड) तेव्हा त्यांच्या लक्षात आले की विमानाची चाके आत घेता येत नाहीत. त्यांनी विमाना धावपट्टी १३वर तातडीने उतरवले. यात विमानाचे प्रचंड नुकसान झाल्यामुळे ते सेवेतून कायमचे बाद करण्यात आले. [१३]
- २ जून, २०१३: सेबु पॅसिफिक फ्लाइट ९७१ चालविणारे एरबस ए३२०-२०० प्रकारचे विमान (नोंदणी क्र. आरपी-सी३२६६), फ्रान्सिस्को बांगॉय आंतरराष्ट्रीय विमानतळावर धावपट्टीवरून घसरले. यात वैमानिकाची चूक असण्याची शक्यता वर्तवण्यात आली होती. यामध्ये कोणतीही जीवितहानी झाली नाही, परंतु विमानाचे मोठे नुकसान झाले. [१४] या घटनेच्या हाताळणीवरून विमान कंपनीवर टीका झाली; प्रवाशांना बाहेर काढण्यापूर्वी त्यांना सत्तावीस मिनिटे विमानातच थांबावे लागले होते. [१५] सहा महिन्यांच्या दुरुस्तीनंतर २०१४ मध्ये हे विमान पुन्हा सेवेत दाखल झाले.
- ४ ऑगस्ट, २०१७: सेबु पॅसिफिक फ्लाइट ५७० चालविणारे एरबस ए३३०-३०० प्रकारचे विमान (नोंदणी क्र. आरपी-सी३३४१), समोरच्या चाकातील बिघाडामुळे माक्तान–सेबु आंतरराष्ट्रीय विमानतळावरुन निघायच्या तयारीत असताना धावपट्टीवरून घसरले. यामध्ये कोणालाही दुखापत झाली नाही, परंतु विमानाचे किरकोळ नुकसान झाले. विमान पुन्हा धावपट्टीवर आणेपर्यंत धावपट्टी बंद ठेवण्यात आली होती. फिलिपिन्सच्या नागरी विमान वाहतूक प्राधिकरणाने (सीएएपी) याची तपास केली होती[१६]
- १३ ऑक्टोबर, २०१७: सेबु पॅसिफिक फ्लाइट ४६१ चालविणारे एरबस ए३२०-२०० प्रकारचे विमान (नोंदणी क्र. आरपी-सी३२३७), इलोइलो आंतरराष्ट्रीय विमानतळावर धावपट्टीच्या कडेला जाउन तिरपे झाले. यामध्ये कोणत्याही दुखापतीची नोंद झाली नाही. [१७]
- २३ एप्रिल, २०१८: सेबु पॅसिफिक फ्लाइट ८४९ चालविणारे मनिलाहून १७२ लोकांना घेऊन निघालेले एरबस ए३२०-२०० प्रकारचे विमान (नोंदणी क्र. आरपी-सी४१०५), झाम्बोआंगा आंतरराष्ट्रीय विमानतळाच्या धावपट्टीवर सुरक्षितपणे उतरले परंतु धावपट्टीच्या टोकाला जाउन विमान वळवत असताना समोरच्या चाकाच्या सुकाणूमध्ये बिघाड झाल्यामुळे वैमानिकांनी विमान थांबवले. जोपर्यंत विमान बाजुला केले गेले नाही तोपर्यंत संपूर्ण विमानतळ सुमारे तीन तास बंद होता. [१८]
संदर्भ आणि नोंदी
[संपादन]- ↑ "Cebu Pacific Air SWOT: Asia's first LCC, Philippines market leader". Center for Aviation (इंग्रजी भाषेत). August 25, 2018.
- ↑ Thomas, Geoffrey (9 June 2010). "Cebu Pacific Now Philippines' Largest Airline". Air Transport World (इंग्रजी भाषेत). 2013-05-29 रोजी मूळ पान पासून संग्रहित. 9 September 2016 रोजी पाहिले.
- ↑ "Philippine Airlines Struggling as Cebu Pacific Becomes Largest Carrier". Center for Aviation (इंग्रजी भाषेत). September 3, 2010. 9 September 2016 रोजी पाहिले.
- ↑ "Our Fleet". Cebu Pacific (इंग्रजी भाषेत). May 31, 2020 रोजी मूळ पान पासून संग्रहित. 2021-04-02 रोजी पाहिले.
- ↑ "Orders and deliveries (updated monthly)". Airbus (इंग्रजी भाषेत). April 3, 2024. September 11, 2024 रोजी पाहिले.
- ↑ "Cebu Pacific Upgauges with 460-Seat A330neo, 240-Seat A321XLR and 194-Seat A320neo". The Blue Swan Daily (इंग्रजी भाषेत). June 21, 2019. June 22, 2019 रोजी मूळ पान पासून संग्रहित. 2019-12-21 रोजी पाहिले.
- ↑ "Our Fleet – Airbus A321CEO". Cebu Pacific. April 19, 2025.
- ↑ "Philippines Domestic Market: Airport Constraints Restrict Growth". Centre for Aviation (इंग्रजी भाषेत). May 5, 2018.
- ↑ Piad, Tyrone Jasper C. (October 4, 2024). "Cebu Pacific places P1.4-T order for Airbus jets". Philippine Daily Inquirer. October 4, 2024 रोजी पाहिले.
- ↑ "Cebu Pacific to sell more A319 aircraft in line with fleet upgrade". PortCalls Asia. May 16, 2016. November 29, 2022 रोजी पाहिले.
- 1 2 चुका उधृत करा:
<ref>चुकीचा कोड; "fleet2005" नावाने दिलेल्या संदर्भांमध्ये काहीही माहिती नाही - ↑ "Accident Description". Aviation Safety Network (इंग्रजी भाषेत). ९ सप्टेंबर २०१६ रोजी पाहिले.
- ↑ Ranter, Harro. "ASN Aircraft Accident ATR 72-212A (ATR-72-500) RP-C7254 Manila-Ninoy Aquino International Airport (MNL)". aviation-safety.net (इंग्रजी भाषेत). २३ मार्च २०१९ रोजी पाहिले.
- ↑ Manlupig, Karlos (2013-06-02). "Cebu Pacific Plane Overshoots Davao Airport Runway; Passengers Unhurt". Inquirer.net (इंग्रजी भाषेत). २ एप्रिल २०२१ रोजी पाहिले.
- ↑ Wilson, Darryl. "Cebu Pacific Issues Apology, Passengers Unsatisfied". Philippine Flight Network. १९ सप्टेंबर २०२४ रोजी पाहिले.
- ↑ "Cebu Pacific Airbus A330-300 at Cebu City on Aug 4th 2017, Runway Excursion During Backtrack". AeroInside (इंग्रजी भाषेत). सप्टेंबर ७, २०१७.
- ↑ "Cebu Pacific plane overshoots Iloilo airport runway". GMA News (इंग्रजी भाषेत). २० नोव्हेंबर २०१८ रोजी पाहिले.
- ↑ "Cebu Pacific Airbus A-320 at Zamboanga on Apr 23rd 2018, Nose Gear Steering Fault After Landing". AeroInside (इंग्रजी भाषेत). २४ एप्रिल २०१८. २९ नोव्हेंबर २०१८ रोजी पाहिले.