सुहानी शाह

सुहानी शहा
जन्म	२९ जानेवारी, १९९० (1990-01-29) उदयपूर, राजस्थान
राष्ट्रीयत्व	भारतीय
टोपणनावे	जादूपरी
पेशा	मानसिकतावादी, जादूगार, संमोहन उपचार तज्ज्ञ
कारकिर्दीचा काळ	१९९७ - ते आजतागायत
धर्म	हिंदू
संकेतस्थळ https://www.suhanishah.com

सुहानी शहा (जन्म:२९ जानेवारी, १९९०) एक भारतीय मानसिकतावादी, जादूगार आणि यूट्यूबर आहे.

प्रारंभिक जीवन

शाहचा जन्म २९ जानेवारी १९९० रोजी उदयपूर येथे एका मारवाडी कुटुंबात झाला. तिची आवड जोपासण्यासाठी तिने इयत्ता २री मध्ये तिने शाळेत जाणे सोडले. तिच्या सततच्या जगभरातील दौऱ्यांमुळे तिने घरीच पुढील शिक्षण घेतले. सुहानीचे औपचारिक शिक्षण कधीच झाले नव्हते आणि यावर तिचे म्हणणे आहे की शाळा जे शिकवू शकते त्यापेक्षा अनुभवांनी जास्त शिकवले.

कारकीर्द

तिचा पहिला स्टेज कार्यक्रम २२ ऑक्टोबर १९९७ रोजी अहमदाबादच्या ठाकोरभाई देसाई हॉलमध्ये आयोजित करण्यात आला होता. तिने आतापर्यंत अनेक पुरस्कार जिंकले आहेत आणि तिला ऑल इंडिया मॅजिक असोसिएशनद्वारेजादूपरी ही पदवी बहाल करण्यात आली आहे. २०१९ पर्यंत तिने ५,००० हून अधिक कार्यक्रम केले आहेत. तिने एक भ्रमवादी म्हणून सुरुवात केली आणि आता ती मानसिकतावादी आहे. ती गोव्यातील सुहानी माइंडकेअर च्या क्लिनिकमध्ये क्लिनिकल हिप्नोथेरपिस्ट (संमोहन तज्ज्ञ) म्हणून काम करते. ती कॉर्पोरेट ट्रेनर, लेखिका आणि समुपदेशक आहे आणि तिने अनेक TED टॉक्स (चित्रफीत द्वारे मुद्रित कार्यक्रम) दिले आहेत.

जून २०२४ मध्ये, शाहचा 'स्पेलबाउंड' हा कार्यक्रम मेलबर्नमधील '२०२४ रायझिंग' महोत्सवाचा भाग म्हणून द कॅपिटलमध्ये सादर करण्यात आला. १४-१९ जुलै दरम्यान, सुहानी शाहने इटलीतील टोरिनो येथे झालेल्या एफआयएसएम २०२५ मध्ये 'बेस्ट मॅजिक क्रिएटर' पुरस्कार जिंकला. FISM ला 'ऑस्कर ऑफ मॅजिक' म्हणून ओळखले जाते, जे जादूगारासाठीचा जगातील सर्वोच्च पुरस्कार मानला जातो.

प्रकाशने

• अनलीज युअर हिडन पॉवर्स, जैको प्रकाशन.

यूट्यूब

ती यूट्यूब वर नियमित सक्रिय असते, जिथे ती भ्रम आणि मानसिकता यासारख्या विषयांवर व्हिडिओ अपलोड करते. तिचा दॅट्स माय जॉब नावाचा वेब शो देखील आहे.

हे सुद्धा पहा

• भारतीय यूट्यूबरची यादी

बाह्य दुवे

• यूट्यूब वर सुहानी शहा