तारण

तारण ठेवणे म्हणजे कर्ज घेण्यासाठी एखादी मालमत्ता कर्जदाराकडे देण्याची तयारी ठेवणे होय. तारण ठेवलेल्या मालमत्तेचा ताबा मात्र कर्जादाराकडेच असतो. जर कर्जाची परतफेड करता आली नाही तर धनको या तारण ठेवलेल्या मालमत्तेला ताब्यात घेऊन विकू शकतो व आपल्या कर्जाची वसुली करू शकतो.

गहाण आणि तारण यातील फरक

गहाण ठेवणे आणि तारण ठेवणे यात फरक आहे. दागिने गहाण ठेवून कर्ज घेतले जाते तेव्हा दागिन्याचा ताबा धनकोकडे जातो. जो पर्यंत कर्ज आहे तो पर्यंत गहाण ठेवलेली मालमत्ता धनकोच्या ताब्यात असते.

तारण ठेवलेली मालमत्ता कर्जदाराच्या ताब्यात असते. या मालमत्तेचा वापर करून जे उत्पन्न कमावले जाते त्या वर कर्जदाराचा अधिकार असतो. तारण ठेवणे म्हणे मालमत्तेची मालकी हस्तांतरित करणे नव्हे तर कर्ज परतेफेड न झाल्यास धनाकोच्या मालकीचा अधिकार मान्य करणे होय .

तारणाची नोंद

एखादे कर्ज देताना धनको आपल्याला देऊ केलेल्या तारण मालमत्तेची नोंद सरकारकडे रूकरू शकतो. शासकीय निबंधकाकडे विहित नोंदणी शुल्क भरून जमीन किंवा घरासारख्या अविचल मालमत्तेवरील तारणाची नोंद करता येते.

तारणाच्या नोंदीचा फायदा असा की अशी मालमत्ता विकून आलेल्या रकमेवर पहिला अधिकार धनकोचा असतो. तसेच नोंदणी शुल्क भरलेले असल्याने शासकीयदृष्ट्या व्यवहार वैध ठरतो.

वाहन किंवा दुकानातील माल यासारख्या चल मालमत्तेच्या बाबतीत तारणाची माहिती वाहनावर, वाहनाच्या पंजीकरण पुस्तिकेवर अथवा दुकानात नोंदवली जाते अथवा मोठ्या अक्षरात लिहिली जाते.

तारण - ख्रिस्ती धर्मशास्त्रीय अर्थ

तारण हा शब्द ख्रिस्ती धर्मात परमेश्वराने केलेली मानवाच्या पापांची क्षमा या अर्थाने सुद्धा वापरला जातो. मराठी-संस्कृृतमध्ये तारण म्हणजे तरून जाणे, रक्षण किंवा मुक्ती.