नरेंद्र चपळगावकर

नरेंद्र पुरुषोत्तम चपळगावकर हे मुंबई उच्च न्यायालयाच्या औरंगाबाद पीठाचे निवृत्त न्यायमूर्ती असून वैचारिक लेखन करणारे एक मराठी लेखक आहेत. न्यायाधीश होण्यापूर्वी ते सन १९६१-६२मध्ये ते लातूरच्या दयानंद सायन्स कॉलेजच्या मराठी विभागाचे (पहिले) प्रमुख होते. २३-१०-२००३ पासून ते Garware Polyester Ltd. (Commodity Chemicals)चे Independent Non-Executive Director आहेत.

नरेंद्र चपळगावकर 'नरहर कुरुंदकर न्यासा'चे एक ट्रस्टी आहेत. ते औरंगाबाद येथे वास्तव्यास असतात.

चपळगावकरांचे वृत्तपत्रांतून सातत्याने लेख प्रकाशित होत असतात. 'दिव्य मराठी'च्या १४-१-२०१२च्या अंकातला त्यांचा खाडिलकरांचे 'कीचकवध'" हा लेख विशेष गाजला.

नरेंद्र चपळगावकर यांनी लिहिलेली पुस्तके

• कर्मयोगी संन्यासी (स्वामी रामानंदतीर्थ यांचे चरित्र)
• कायदा आणि माणूस
• कहाणी हैदराबादच्या लढ्याची
• तीन न्यायमूर्ती आणि त्यांचा काळ
• तुमच्या माझ्या मनातलं (ललित)
• दीपमाळ (भाषाविषयक, साहित्य आणि समीक्षा)
• नामदार गोखल्यांचा भारत सेवक समाज
• न्यायमूर्ती केशवराव कोरटकर
• न्यायाच्या गोष्टी (न्यायविषयक कथा)
• मनातली माणसं (व्यक्तिचित्रणे)
• महात्मा गांधी आणि भारतीय राज्यघटना
• राज्यघटनेचे अर्धशतक
• विधिमंडळे आणि न्यायसंस्था : संघर्षाचे सहजीवन
• संघर्ष आणि शहाणपण
• समाज आणि संस्कृती
• संस्थानी माणसं (व्यक्तिचित्रणे)
• सावलीचा शोध (सामाजिक)

सन्मान आणि पुरस्कार

• पुण्यात २१-२२जानेवारी २०१२ रोजी झालेल्या १३व्या राष्ट्रीय बंधुता साहित्य संमेलनाचे अध्यक्षपद.
• सन २००३ मध्ये मराठवाडा साहित्य परिषदेच्या माजलगाव शाखेने मसापच्या विभागीय मराठवाडा साहित्य संमेलनाचे (शिवार साहित्य संमेलनाचे) आयोजन केले होते. माजी न्यायमूर्ती नरेंद्र चपळगावकर त्या संमेलनाचे अध्यक्ष होते.
• २६वे मराठवाडा साहित्य संमेलन २००४ साली माजलगाव येथे नवविकास मंडळ शिक्षण संस्थेच्या वतीने घेण्यात आले.या संमेलनाचे अध्यक्ष न्या.नरेंद्र चपळगावकर होते.