कृष्णराव कोल्हापुरे

कृष्णराव कोल्हापुरे हे दीनानाथ मंगेशकरांच्या बलवंत नाटक कंपनीमध्ये काम करणारे गायक नट होते. ते स्त्रीभूमिकाही करत. त्यांची पत्‍नी विजया ही दीनानाथ मंगेशकरांची बहीण लागे. कृष्णराव कोल्हापुरे हे नाटकांचे संगीत दिग्दर्शकही होते. ते उत्तम वीणावादक होते आणि बलवंत संगीत मंडळीचे प्रमुख भागीदार होते.

हिंदुस्तानी शास्त्रीय संगीत गुरू पंडित पंढरीनाथ कोल्हापुरे हे कृष्णराव कोल्हापुरे यांचे चिरंजीव आणि पद्मिनी कोल्हापुरे ही नात.

कृष्णराव कोल्हापुरे यांची भूमिका असलेली नाटके (कंसात भूमिकेचे नाव)

• संगीत उग्रमंगल (दुर्गावती)
• काँटो में फूल - भक्त प्रल्हाद (कयाधू)
• संगीत जन्मरहस्य (रघुनाथ)
• संगीत धरम का चाँद - भक्त ध्रुव (सुनीति)
• संगीत पुण्यप्रभाव (वसुंधरा)
• संगीत भावबंधन (मालती)
• संगीत रणदुंदुभी (सौदामिनी)
• संगीत राजसंन्यास (येसूबाई)
• संगीत वीरविडंबन (सैरंध्री-द्रौपदी)
• संगीत संन्यस्त खड्ग (गौतमबुद्ध)
• संगीत सुंदोपसुंद (तिलोत्तमा)