ॲलेक पदमसी

नाट्यदिग्दर्शक अलेक पदमसी हे ’द थिएटर ग्रुप मुंबई’चे संस्थापक व संचालक आहेत.

अलेक पदमसी यांनी त्यांच्या साठ वर्षांच्या कारकिर्दीत सत्तर नाटके, असंख्य जाहिराती आणि काही चित्रपट केले आहेत. मुंबईच्या इंग्रजीनाट्यवर्तुळात काम करताना पदमसी यांनी हिंदी नाटकेही केली. कबीर बेदी, दलिप ताहिल, पर्ल पदमसी, शॅरॉन प्रभाकर, सबीरा मर्चंट, स्मिता पाटील यांच्यासारखे कलावंत त्यांच्या नाटकांमुळे घडले. इंग्रजी लेखकांसह विजय तेंडुलकर, गिरीश कर्नाड आदी भारतीय लेखकांची नाटकेही त्यांनी रंगमंचावर सादर केली आहेत.

रिचर्ड अॅटनबरोच्या ’गांधी’ चित्रपटातील जीनांची भूमिका अलेक पदमसी यांनी केली होती.

पुरस्कार

• पद्मश्री
• संगीत नाटक अकादमी पुरस्कार
• टागोर रत्‍न पुरस्कार
• तन्वीर सन्मान - २०१५