शांता मोडक

शांता मोडक (जन्म : १ एप्रिल. इ.स. १९१९; मृत्यू : २८ एप्रिल, इ.स.२०१५) या एक मराठी नाट्य-चित्र अभिनेत्री व गायिका होत्या.

त्यांनी मॅट्रिकपर्यंतचे शिक्षण इंदूरमधून घेतले. त्यानंतर पुण्यात येऊन त्यांनी एसपी कॉलेजमधून १९४२मध्ये कला शाखेची पदवी मिळवली. विश्राम बेडेकर दिग्दर्शित 'चूल आणि मूल' या चित्रपटातील बिंबा नावाच्या नायिकेच्या भूमिकेतून शांता मोडक यांनी चित्रपटसृष्टीत पदार्पण केले. 'प्रभाकर' नाटक कंपनीतून त्यांनी १९४९मध्ये 'भावबंधन' या नाटकाच्या द्वारे रंगभूमीवर पाऊल ठेवले. त्यांच्या संगीत नाटकांतल्या भूमिका गाजल्या. त्यांनी 'इन मीन साडेतीन', 'ऊन-पाऊस' अशा चित्रपटांतूनही भूमिका केल्या.

शांता मोडक यांची नाटके आणि त्यांतील त्यांच्या भूमिका

• संगीत एकच प्याला (सिंधू)
• झुंझारराव (कमला)
• संगीत द्रौपदी (द्रौपदी)
• संगीत भावबंधन (लतिका)
• संगीत मृच्छकटिक (वसंतसेना)
• संगीत विद्याहरण (देवयानी)
• संगीत सौभद्र ( सुभद्रा)
• संगीत स्वयंकर (रुक्मिणी)

पुरस्कार

• महाराष्ट्र राज्य सरकारचा जीवनगौरव पुरस्कार
• पुणे महापालिकेचा बालगंधर्व पुरस्कार